Belavia შესაძლოა რუსეთში შეუზღუდავ ფრენებზე დაუშვან. როგორც რუსულმა მედია წერს, საჰაერო ტრანსპორტის ფედერალური სააგენტო განიხილავს Belavia-ს რუსეთის მიმართულებით ფრენებზე ყველა შეზღუდვა მოუხსნას.
ავიაკომპანიები მიიჩნევენ, რომ ბელარუსი კონკურენტისთვის მსგავსი უფლებების მინიჭება შესაძლებელი უნდა იყოს მხოლოდ იმ შემთხვევაში, თუ იგივე პირობები იქნება რუსული კომპანიებისთვისაც. სექტორში მიიჩნევენ, რომ ერთადერთი სარგებელი რუსული კომპანიებისთვის შეიძლება იყოს, ტრაფიკის გაზრდა რუსეთის რეგიონებიდან მინსკში, შემდგომში მათი საქართველოში ტრანსფერისთვის. თუმცა ძირითადი ნაკადი მოსკოვიდან და სანკტ-პეტერბურგიდან კვლავ ერევნის გავლით გაფრინდება.
როგორც რუსული მედია წერს, საჰაერო ტრანსპორტის ფედერალურმა სააგენტომ ავიაკომპანიებს შესაბამისი შეტყობინებები გასულ კვირას გაუგზავნა, ამ საკითხთან დაკავშირებით პოზიციის დასაფიქსირებლად.
ტრანსპორტის სამინისტროსთან დაახლოებული წყარო რუსულ მედიასთან აზუსტებს, რომ საუბარია ბელარუსული მხარისთვის რუსეთის ფედერაციის ქალაქებში ფრენების რაოდენობაზე და მათთვის ხელმისაწვდომ მიმართულებებზე შეზღუდვების მოხსნაზე.
კაბოტაჟი (სატრანსპორტო ოპერაცია ერთი ქვეყნის ტერიტორიაზე განლაგებულ ორ პუნქტს შორის) მაგალითად, მინსკი-სანკტ-პეტერბურგი-ყაზანი და ცის მე-7 თავისუფლება (იგი იძლევა უფლებას გადაიყვანოს მგზავრები და გადაიტანოს ტვირთი ორ უცხო ქვეყანას შორის საკუთარ ქვეყანაში ფრენის გაგრძელების გარეშე) მაგალითად, მინსკი-სანკტ-პეტერბურგი-თბილისი ჯერჯერობით არ იგულისხმება.
რუსულ ავიაკომპანიებში აცხადებენ, რომ რუსეთის ფედერაციის შიდა საჰაერო ხაზებზე დამატებითი სიმძლავრების აუცილებლობა არ არსებობს. ბელარუსთან დაკავშირებით დადებითი გადაწყვეტილების მიღების შემთხვევაში, კი რუსული ავიაკომპანიები აუცილებლად მიიჩნევს რუსეთის ფედერაციასა და ბელარუსში მარშრუტების განაწილების პარიტეტის შენარჩუნებას.
როგორც რუსული მედია წერს, თუ რუსეთის საჰაერო ტრანსპორტის ფედერალური სააგენტო ითვალისწინებს Belavia-ს უფლებების შემდგომ გაფართოებას ცის მე-7 თავისუფლებაში, მაშინ პოტენციურად გადამზიდველს შეეძლება გახსნას პირდაპირი ფრენები რუსეთის ფედერაციიდან მისთვის ხელმისაწვდომ საქართველოს 3 აეროპორტში, თუმცა წყაროს თქმით, სააგენტოში ეჭვობენ, რომ ქართული მხარე მთავრობათაშორის ხელშეკრულებებში მსგავს ცვლილებაზე წავა.
ბელავიას ფრენების გეოგრაფიაში საქართველო ერთადერთი კონკურენტული უპირატესობაა. დანარჩენი ქვეყნების სია, რუსეთთან შედარებით, უფრო მწირია
მოსკოვიდან და სანკტ-პეტერბურგიდან მინსკის გავლით საქართველოში ფრენების სარგებელი დოკირების სიჩქარეზე იქნება დამოკიდებული: ჰაერში მგზავრები ერთი საათით მეტხანს დარჩებიან ვიდრე ერევნის გავლით და გადაიხდიან 1-2 ათას რუბლით მეტს.