2022 წლის ნობელის პრემიის ლაურეატს, ბელარუს უფლებადამცველ ალეს ბიალიატსკის 10 წლით თავისუფლების აღკვეთა მიუსაჯეს.
მინსკის სასამართლომ მშვიდობის დარგში ნობელის პრემიის ლაურეატი ალეს ბიალიაცკი დამნაშავედ ცნო კონტრაბანდული ფულის განაღდებაში და 10 წლით თავისუფლების აღკვეთა მიუსაჯა. ამის შესახებ ბელარუსის უზენაესი სასამართლოს პრესსამსახური იტყობინება.
ბელარუსის პროკურატურის ცნობით, ალეს ბიალიატსკიმ სხვა უფლებადამცველებთან ვლადიმერ ლაბკოვიჩთან, ვალენტინ სტეფანოვიჩთან და დიმიტრი სოლოვიოვთან ერთად, ორგანიზებული ჯგუფის შემადგენლობაში, გაანაღდა ფული უცხოური სტრუქტურებიდან და ფონდებიდან მიღებული 201 000 ევროს და 54 000 აშშ დოლარის ოდენობით ბელარუსი უფლებადამცველი ორგანიზაცია „ვესნას“ „უკანონო საქმიანობისა და დაფინანსებისთვის“.
აქტივისტმა და ადვოკატმა ალეს ბიალიატსკიმ ნობელის პრემია მშვიდობის დარგში ორგანიზაცია „მემორიალთან“ და სამოქალაქო თავისუფლებების ცენტრთან ერთად მიიღო. ალეს ბიალიაცკი ნობელის მშვიდობის პრემიაზე ხუთჯერ იყო ნომინირებული.
ბელორუსი
