მსოფლიო ბაზარზე ბარელი ნავთობის ფასი $129-ს აღწევს, რაც 2008 წლის შემდეგ აღარ დაფიქსირებულა. ბოლო 1 თვეში პლატსზე 1 ტონა (1300 ლიტრი) ბენზინის ფასი $850-დან $1105-მდე გაიზარდა, დიზელის 48%-ით $783-დან $1159-მდე. მასში 7 მარტის ნედლი ნავთობის გაძვირება ჯერ ასახული არ არის. ამ ყველაფერს ლარის მკვეთრი გაუფასურებაც ემატება. რუსეთის უკრაინაში შეჭრის შემდეგ აშშ დოლარი 40 თეთრით გაძვირდა. მოლოდინები ნეგატიურია და საცალო ფასმა შესაძლოა 4.00 ლარს გადააჭარბოს, რასაც კომერსანტთან საუბრისას ნავთობპროდუქტების იმპორტიორთა კავშირის თავმჯდომარე ვანო მთვრალაშვილიც ადასტურებს.
ქართულ ბრენდირებულ ავტოგასამართ სადგურებზე თებერვლის დასაწყიში 1 ლიტრი პრემიუმის ფასი საშუალოდ 3.20-ს შეადგენდა, დღე 3.37 ღირს, რაც 5%-იანი მატებაა. ევრო დიზელი კი 3.14-დან 3.37 ლარამდე ანუ 7.3%-ით ნებისმიერ შემთხვევაში ფასების შემდგომი მკვეთრი ზრდა გარდაუვალია.
ვანო მთვრალშვილის განმარტებით ირანთან აქტიური მოლაპარაკებები მიმდინარეობს, რომლის წარმატებით დაულების შემთხვევაშიც მსოფლიო დრიურად დამატებით 1 მლნ ბარელ ნავთობს მიიღებს (მსოფლიო მოთხოვნა 100 მლნ ბარელია). ჯერჯერობით კონკრეტული შედეგის გარეშე მოლაპარაკებები გრძელდება მსოფლიოსი ნავტობის დამტკიცებული მარაგით #1 სახელმწიფო ვენესუელასთანაც.
როგორც ნავთობპროდუქტების იმპორტიორთა კავშირის თავმჯდომარემ კომერსანტთან საუბრისას აღნიშნა მსოფლიო რუსული ნავთობის ჩანაცვლების გზებს ეძებს, თუმცა ეს ასე მარტივი არ იქნება, რადგან აშშ თავისი საჭიროების 10%-ს რუსეთისგან ყიდულობს, ევროპა ბევრად უფრო მეტს 30-40 პროცენტს. რუსეთის ექსპორტის ნახევარი კი სწორედ ნავთობზე, ნავთოპროდუქტებსა და გაზზე მოდის.
ბენზინის ფასი რამდენიმე კომპონენტისგან შედგება: თვითღირებულება, აქციზი, დღგ, ტრანსპორტირება-დასაწყობება, სახელფასო ხარჯი და მოგების მარჟა. ჯერ კიდევ გასულ წელს, როდესაც საერთაშორისო ბაზარზე ფასების მატება დაიწყო, საქართველოში განახევრების ან მისი სრული გაუქმების ადრინდელი იდეა თავიდან გაცოცხლდა. იმ მოტივით, რომ ბიუჯეტი 500 მლნ ლარზე მეტის შემოსავალს დაკარგავდა მთავრობამ აქციზის შემცირებაზე უარი განაცხადა, კითხვაზე თუ როგორ იმოქმედებს აქციზის გაუქმება საცალო ფასზე მთვრალაშვილმა აღნიშნა, რომ ის ფასების კლებას უკვე ვეღარ გამოიწვევს და მხოლოდ ზრდის ტემპს შეამცირებს. კიდევ ერთ შესაძლო გამოსავლად ნავთობპროდუქტების იმპორტიორთა კავშირის თავმჯდომარეს ლარის დასტაბილურება და შემდეგ გამყარება მიაჩნია. ლარი კი გამყარების მაგივრად ყოველდღიურად უფასურდება, რუსეთის მიერ უკრაინაში შეჭრის შემდეგ ლარი დოლართან მიმართებაში 13%-ით გაუფასურდა, უფრო მეტით ვიდრე გრივნა.
არსებული კურსისა და პლატსის ფასის შენარჩუნების შემთხვევაში 1 ლიტრი ბენზინის ფასი საქართველოში მორიგ ფსიქოლოგიურ 4.00 ლარიან ნიშნულს გადალახავს, რაც მხოლოდ მგზავრობასთან ერთად ტვირთების ტრანსპორტირებასაც გააძვირებს, ეს კი ისევ მაღალი ინფლაციის გარანტიაა. დეკემბერში, იანვარსა და თებერვლაში ოფიციალურად დადასტურებული ინფლაცია 13%-ს აჭარბებდა. მთავრობა და ეროვნული ბანკი სიტუაციის გამოსწორებას მარტიდან ელოდდნენ, უკრაინული და რუსული იმპორტის შეფერხების, ვალუტის გაუფასურებისა და საწვავის ფასის ზრდის გამო მატი მოლოდინი სავარაუდოდ აღარ გამართლდება.