ოფიციალური მონაცემებით, საქართველოში უკვე მილიონზე მეტი აცრაა ჩატარებული, თუმცა ეს მოდუნების საშუალებას არ გვაძლევს. მედიკოსები მოსახლეობას კვლავ ვაქცინაციის პროცესში აქტიურად ჩართვისკენ მოგვიწოდებენ. მოქალაქეებს საშუალება აქვთ, თავად გააკეთონ არჩევანი თუ რა ტიპის ვაქცინას გაიკეთებენ. ექიმების თქმით, მსოფლიოს სხვადასხვა ქვეყნის ფონზე ეს საქართველოს პრიორიტეტული მხარეა. დღეში 30-35 ათასი ადამიანის ვაქცინირება აცრა საშუალებას მოგვცემს, პანდემიას თავი რაც შეიძლება მალე დავაღწიოთ.

„თუ ჩვენ დღიურად 35-40 ათას აცრაზე ავალთ, მაშინ იქნება იმ მიზნის მიღწევა, რომელიც წლის ბოლომდე ზრდასრული მოსახლეობის 60%-ის იმუნიზაციას ითვალისწინებს. ბევრი ალტერნატიული ვაქცინა გვაქვს. ყველა შესაძლო პრეტენზიული მსურველისთვის საქართველოში მოიძებნება ვაქცინა. ნებისმიერი პრეტენზია - ვიღაცას რელიგიური მოსაზრებით, ვიღაცას გენეტიკური კოდის შეცვლის მოტივით - არსებობს ტრადიციული ჩინური ვაქცინები, სადაც ეს საკითხები მოხსნილია. ცხოვრობდე ქვეყანაში, სადაც მილიონობით ვაქცინა ხელმისაწვდომია და არ იცრებოდე, ასეთ ადამიანებთან ალბათ სათქმელიც აღარაფერია. გამოიყენეთ ეს შესაძლებლობა, რომ ქვეყანამ ნორმალურად განვითარება და წინსვლა შეძლოს“, - აცხადებს იმუნოლოგ-ალერგოლოგი ბიძინა კულუმბეგოვი.

imedinews.ge