რადიო კომერსანტის გადაცემა კომერსანტის დილაში შპს ენ ჯი თი ჯგუფის Business inteligence -ის მიმართულების ხელმძღვანელმა გელა შონიამ კომპანიის პროდუქტზე ბი.აი.ჰაბ - ზე ისაუბრა.
BIhub არის სიახლე ქართულ ბაზარზე, რომელიც კომპანიებს მონაცემთა მართვის კულტურის დამკვიდრებაში ეხმარება.
ეს არის პლატფორმა, სადაც ნებისმიერი ბიზნესის მფლობელს, ბიზნესის მმართველს, მკვლევარს თუ სტუდენტს, ყველას , ვინც მონაცემებით არის დაინტერესებული შეუძლია შევიდეს საიტზე და მისთვის საინტერესო კომპანიის მონაცემებს გაეცნოს.
დღეს ციფრულ ეპოქაში მონაცემებზე ხელმისაწვდომობა კრიტიკულად მნიშვნელოვანია.
მონაცემებზე დაკვირვება ადამიანს გარკვეული მიგნებების შესაძლებლობას აძლევს, ეს მიგნებები კი ქმედებისკენ უბიძგებს.
დღეს ძალიან მნიშვნელოვანია იმის გაცნობიერება, რომ ბიზნესის სამართავად მხოლოდ ერთი პარამეტრი მოგება-ზარალი ან შემოსავლის მარჟა არ არის საკმარისი მაჩვენებელი.
როდესაც ახალ სექტორში შედიხარ არ შეიძლება, რომ ბრმად შეხვიდე, კრიტიკულად მნიშვნელოვანია, იცოდე რა ხდება ამ სექტორში, რა ხდება ამ დარგში, აქ საუბარია ე.წ. Bench mark - ზე , უნდა დაფიქრდე ღირს თუ არა ამ ბაზარზე შესვლა, ყოველთვის არის თუ არა ფანჯარა ახალი შესაძლებლობებისთვის. - აღნიშნავს გელა შონია.
გელა შონიამ აღნიშნა, რომ პლატფორმა მომხმარებელს 26 000 ქართული კომპანიის უწყისების ანალიტიკის გაცნობის შესაძლებლობას აძლევს, პლატფორმის მეშვეობით მომხმარებელს შესაძლებლობა აქვს, რომ მათი ანალიზი გააკეთოს, მოიძიოს ზუსტი ინფორმაცია იმაზე, თუ რა ხდება ამა თუ იმ დარგში, გაეცნოს კონკურენტების საქმიანობას და ნახოს მათი უპირტესობები.
შონიას განმარტებით, პლატფორმა მომხმარებელს დააფიქრებს იმაზე, თუ რისი გაკეთება შეუძლია მისი ბიზნესის გაუმჯობესებისთვის.
შემდეგი თემა, რასაც ჩვენ პლატფორმაზე ნახავთ, ეს არის ექსპორტ-იმპორტი. თუკი საქართველოში რამის იმპორტი ხდება, შეგიძლია ღილაკზე ერთი ხელის დაჭერით ნახო.
მაგალითად, საიდან შემოდის ხორბალი ან ნავთობი, შეგიძლია შეამოწმო რეგიონები და ამისთვის ძალიან მარტივი ოპერაციაა საჭირო
ძალიან მარტივად ერთ ღილაკზე თითის დაჭერით, გრაფიკზე ინტერაქტიულ და ამომწურავ ინფორმაციას მიიღებ. - აღნიშნავს გელა შონია.
Bihub - ის საშუალებით, მომხმარებელს ავტოპარკზე ამომწურავი ინფორმაციის მიღების შესაძლებლობაც აქვს, პლატფორმის მეშვეობით მომხმარებელს შეუძლია დაადგინოს თუ რომელი ავტომობილია წელს ტრენდული, რა მდგომარეობაშია ძრავი და ა.შ.
პლატფორმაზე მომხარებელს შეუძლია გაეცნოს სადაზღვეო სექტორების ანალიტიკასაც , ნახოს უნივერსიტეტები.
მაგალითდ, თუ ხარ აბიტურიენტი ან ნებისმიეირი საგანმანათლებლო დაწესებულების წარმომადგენელი, შეგიძლია აბსოლუტურად სრული ინფორმაცია მიიღო იმაზე თუ რა არჩევანი გააკეთა ამა თუ იმ აბიტურიენტმა და რომელი იყავი შენ.
ასევე სრული ანალიტიკა გვაქვს საყოველთაო ჯანდაცვის მიმართულებითაც, მაგალითად შეგიძლია ნახო რამდენი იხარჯება ხუთი წლის ბავშვზე საყოველთაო ჯანდაცვიდან და ა.შ.
უახლოეს მომავალში ვგეგმავთ სხვადასხვა თემატიკის დამატებასაც - აღნიშნავს გელა შონია.
კითხვაზე თუ რა წყაროებზე დაყრდნობით აგროვებს ინფორმაციას, გელა შონია პასუხობს, რომ დღევანდელი ტექნოლოგიები ნებისმიერი ღია და საჯარო ინფორმაციის მოპოვების შესაძლებლობას იძლევა. კონკრეტული რეპორტის ანალიზისთვის კომპანია საქასტატის მონაცემებს იყენებს.
ჩვენი კომპანია არის IT კომპანია, გვყავს რობოტები, რომლებიც ამ ყველაფერს მარტივად აკეთებენ, რობოტს შეუძლია მარტივად შევიდეს საიტზე და გადმოტვირთოს მონაცემები, იქიდან საიდანაც ჩვენ კლიკს არ შეუძლია.
ყველაზე მთავარი რაც არის, ღილაკი გაძლევს შესაძლებლობას, რომ იმ წყაროებიდან როგორიც არის საქ სტატი, შსს, განათლების სამინისტრო და სხვა ძალიან მარტივად წამოიღო ინფორმაცია, ძალიან სწრაფად დაამუშავო და მომხმარებელსაც სწრაფადვე მიაწოდო.
ამ ტექნოლოგიის უპირატესობა მდგომარეობს იმაში, რომ განსხვავებით სხვა მსგავსი პლატფორმებისგან, ინფორმაციის მისაღებად ადამიანს დიდი რესურსის დახარჯვა არ სჭირდება, კლიკი ამას მარტივად აკეთებს. - აღნიშნავს გელა შონია
შონიამ კონკურენციაზეც ისაუბრა და განმარტა, რომ მათი პირველი კონკურენტი არის საქართველოს სტატისტიკის ეროვნული სამსახური, თუმცა მისივე განმარტებით, საქსტატის წყაროების ანალიზისას ერთერთი პრობლემა არის ფორმატი, შონია აღნიშნავს, რომ ისინი ყველანაირ მონაცემს PDF ფორმატში ტვირთავენ და როდესაც აკეთებ 5 წლის ანალიზსს ეს უკვე დიდ შრომასთან არის დაკავშირებული.
საფინანსო ინსტიტუტებს ამის ფუფუნება აქვთ, მათ ჰყავთ დიდი სამსახური, რომელიც ამ ყველაფერს აკეთებს, მაგრამ როცა ვსაუბრობთ საშუალო და პატარა ბიზნესზე და ეს ბიზნესი მუშაობს იმპორტზე, იმპორტიორს უწევს საქსტატის სამსახურიდან პდფ ფაილის ჩამოტვირთვა, ამ ფაილის ექსელში გადაყვანა და შემდეგ ამ უზარმაზარ იფნრომაციაში მისთვის სასურველი მონაცემების ძებნა.
ამ ყველაფრის ნაცვლად ჩვენი პლატფორმა იძლევა საშუალებას, რომ მარტივად შეხვიდე და ნახო დინამიკა.
დღეს უმეტესი ბიზნესი არა მონაცემებზე, არამედ საკუთარ ინტუიციაზეა დაყდრნობილი. ის რომ პირობითად პრიუსი კარგად იყიდება, ეს არის მოცემულობა, რომელიც ყველამ კარგად ვიცით ,მაგრამ ციფრების დონეზე რა და როგორ ხდება არ ვიცით.
ჩვენი პლატფორმა იძლევა შესაძლებლობას, რომ შეამოწმო ბოლო ერთი წლის განმავლობაში რა იყიდება , რატომ არის მაგალითად თეთრი ფერი ტრენდული და ა.შ. — აღნიშნავს გელა შონია
Bihub პანდემიის პერიოდში მოფიქრებული პლატფორმაა და რამდენიმე თვეა რაც მუშაობს , გელა შონია აღნიშნავს რომ მისი კომპანია პლატფორმის პოპულარიზაცისთვის ყველაფერს აკეთებს.
ჩვენ ყველაფერს გავაკეთებთ იმისთვის, რომ ძალიან კარგი კონტენტი დავდოთ ,მომხმარებელს შესვლა აინტერესებდეს და მონაცემები იყოს ვალიდური, ერთია რომ რაღაც მონაცემები არსებობს და მეორეა რამდენად დასაყრდენია ეს მონაცემები.
შესაბამისად, ჩვენ ამას ყველაფერს მაქსიმალურად უზრუნველვყოფთ და ყველანაირ რესურს ვიყენებთ იმისთვის, რომ ასეთი პლატფორმის არსებობის შესახებ იფორმაცია მაქსიმალურად მეტ ადამიანს მივაწოდოთ.- აღნიშნავს გელა შონია
თაკო კვაჭანტირაძე