ჯგუფი Veon ინვესტორებს ამშვიდებს, რომ ის სანქციებში არ მომხვდარა და კავშირი გაწყვიტა ყველა პერსონასთან, რომლებზეც დასავლეთის სანქციები გავრცელდა. შესაბამისად, ჯგუფმა ვადამდე დაფარა სანქციებში მოხვედრილი ბანკების კრედიტები, მათ შორის ვითიბი ბანკის, ხოლო რუსმა ოლიგარქმა მიხაილ ფრიდმანმა Veon–ის დირექტორთა საბჭო დატოვა. თავის მხრივ, Veon–ის კრედიტორები კონსულტაციებს მართავენ შესაძლო რისკების საკითხებზე.

მიიღე ინფორმაცია უფრო სწრაფად ჩვენს Telegram-ზე.

რუსეთსა და უკრაინაზე დამოკიდებული Veon

ჯგუფი მსოფლიოს 10 ქვეყანაში მუშაობს, მათ შორის რუსეთში, სადაც 49 მლნ აბონენტი ჰყავს, უკრაინაში – 26 მლნ აბონენტით და საქართველოში – 1 მილიონზე მეტი აბონენტით.

კომპანიის შემოსავლების 50% რუსეთის ბაზარზე მოდიოდა, ხოლო უკრაინაზე – 13%. Veon–ის შტაბ ბინა ამსტერდამში მდებარეობს, ხოლო თავად კომპანია ბერმუდის კუნძულებზეა რეგისტრირებული და ცოტა ხნის წინ დაიწყო დიდ ბრიტანეთში გადარეგისტრირების პროცედურა.

Veon–ის კრედიტორები შეშფოთებულები არიან კომპანიის რუსული ფესვებისა სანქცირებულ პერსონებთან კავშირების გამო. სააგენტო Bloomberg-ის მონაცემებით, კომპანიის ობლიგაციების მფლობელებმა საკონსულტაციო ფირმები Hoilihan Lokey და Milbank დაიქირავეს, შემდეგი ნაბიჯების განსასაზღვრად.

მანამდე გაზეთი Financial Times წერდა, რომ Veon–ის კრედიტორებმა – Citigroup, ING და JPMorgan – შესაძლო რისკებზე კონსულტაციები დაიწყეს.

cnews.ru