მოლოდინების საპირისპიროდ, პანდემიის პერიოდში ბინების ფასი მხოლოდ ძვირდებოდა. „ქვეყნების უმრავლესობაში პანდემიის დაწყებისას ბინები კი არ გაიაფდა, არამედ გაძვირდა, განვითარებული ეკონომიკის მქონე ქვეყნებში შთამბეჭდავი ზრდაც დაფიქსირდა, – ამბობს პლატფორმის Prian.ru მთავარი რედაქტორი ფილიპ ბერეზინი. – ამის მიზეზი რეკორდულად დაბალი პროცენტები იპოთეკაზე, ბანკებში რეკორდულად მცირე დეპოზიტების პირობებში და ცენტრალური ბანკების ფინანსური ნაკადები ეროვნული ეკონომიკების აღორძინებაში. შიდა მოთხოვნაც გაიზარდა. ხალხმა უფრო აქტიურად დაიწყო ახალი სახლების ძიება, რადგან ამა თუ იმ მიზეზის გამო აღარ აკმაყოფილებდათ არსებული სახლები“.

რეკორდული ფასი

ივლისის მიწურულს აშშ–ში სახლის საშუალო ფასმა $300 000 შეადგინა, რაც ერთი წლის წინანდელ მაჩვენებელზე 17%–ით მეტია, ამბობს ბერეზინი უძრავი ქონების ამერიკულ პორტალზე Zillow დაყრდნობით. ამერიკელი რითეილერების ეროვნული ასოციაციის (NAR) მონაცემებით, მეორედ ბაზარზე ობიექტის საშუალო ფასი რეკორდულ $363 000–მდე გაიზარდა და 23%–ით აღემატება 2020–ის ივნისის ანალოგიურ მაჩვენებელს.

არ ჩამორჩება გერმანიაც. Tranio–ს მონაცემებით, რომელსაც Forbes გაეცნო, საცხოვრებელ ფართებზე ფასების წლიურმა ზრდამ მეორე კვარტალში 11% შეადგინა, ხოლო პირველ კვარტალთან შედარებით – 2,4%. ბინის ერთი კვადრატული მეტრის ფასი ქვეყნის 5 მეგაპოლისში მეორად ბაზარზე საშუალოდ 2 492 ევრომდე გაიზარდა, ხოლო ახალაშენებული სახლების ფასი 8%–ით ავარდა, წერს Prian.ru უძრავი ქონების პორტალზე Immoscout24 დაყრდნობით.

Tranio–ს მონაცემებით, საფრანგეთში ბინები, პირველ კვარტალთან შედარებით, 5%–ით გაძვირდა და კვადრატული მეტრის საშუალო ფასი 2 900 ევროს შეადგენს. ილ–დე–ფრანსში (პარიზის რეგიონი) პირველ ექვს თვეში ფასები წლიურ გამოსახულებაში 9%–ით არის გაზრდილი, 2020–ის ანალოგიურ პერიოდთან შედარებით, წერს ფრანგული გამოცემა Connexion უძრავი ქონების საერთაშორისო სააგენტოს Century 21 მონაცემებზე დაყრდნობით.

დიდ ბრიტანეთსა და ესპანეთში ფასების ნაკლებად აგრესიული დინამიკა შეინიშნება. გაერთიანებულ სამეფოში ივლისში ფასები 8%–ით გაიზარდა, 2020–ის ანალოგიურ პერიოდთან შედარებით, რაც მარტის შემდეგ ყველაზე დაბალი წლიური ზრდის მაჩვენებელია. მაგრამ ერთი თვით ადრე, ივნისში, ფასები რეკორდულად, წლიურ გამოსახულებაში 13%–ით გაიზარდა.

ესპანეთში, მეორე კვარტლის მონაცემებით, უძრავი ქონების საშუალო ფასი წელიწადში 2%–ით გაიზარდა. უძრავი ქონების შეფასების ესპანური სააგენტოს მონაცემებით, ახალაშენებულ კორპუსში ბინის საშუალო ფასი 223 000 ევროს შეადგენს, ანუ კვადრატული მეტრი 2 482 ევრო ღირს. ეს მაჩვენებელი წლის განმავლობაში 0,4%–ით არის გაზრდილი. ახალი ბინების შეძენის მხრივ ყველაზე ძვირი რეგიონებია კატალონია (3 992 ევრო კვ/მ), მადრიდი (3 682 ევრო კვ/მ) და ბასკების ქვეყანა (2 762 ევრო კვ/მ). ყველაზე ბიუჯეტურია ესტრემადურა (1 265 ევრო კვ/მ) და მურსია (1 209 ევრო კვ/მ).

Forbes