მსოფლიოში წამყვანი ბლოკჩეინ-ეკოსისტემა და კრიპტოვალუტის ინფრასტრუქტურის მომწოდებელი-Binance-ბლოკჩეინ და კრიპტოვალუტის ასოციაციის-ციფრული სავაჭრო პალატის წევრი ხდება. Binance უერთდება პალატის აღმასრულებელ კომიტეტს,რათა ამ დარგის სხვა წარმომადგენლებთან ერთად,წინ წასწიოს ბლოკჩეინის ეკოსისტემა.
როგორც,სწრაფად განვითარებადი დარგისა და რთული ნორმატიულ-სამართლებრივი გარემოს ცენტრში მყოფი ორგანიზაციისთვის,Binance-ისთვის ძალიან მნიშვნელოვანია თანამშრომლობა პოლიტიკოსებთან,მარეგულირებელ ორგანოებთან და ისეთ დარგობრივ ჯგუფებთან,როგორიცაა პალატა.
“მსგავსი თანამშრომლობა ემსახურება საერთო მისიას-ხელი შეუწყოს კრიპტოვალუტისა და ბლოკჩეინის ჯანსაღი წესების მდგრად განვითარებას,რაც,საბოლოო ჯამში,მომხმარებლის უსაფრთხოებას უზრუნველყოფს“-განაცხადა Binance-ის კომუნიკაციების ვიცე-პრეზიდენტმა,ჯოან კუბამ.
„ბლოკჩეინის ტექნოლოგია არის ფინანსების მომავალი“-თქვა ციფრული ვაჭრობის პალატის კომუნიკაციების ვიცე-პრეზიდენტმა,ბლეინ რეტმაიერმა-„ასოციაციის წევრები არიან წამყვანი ორგანიზაციები,რომლებიც ქმნიან საჭირო ინფრასტრუქტურას უფრო საიმედო და ინკლუზიური ფინანსური სისტემის უზრუნველსაყოფად.ჩვენ მივესალმებით Binance-ს,როგორც ამ განვითარებადი ეკოსისტემის ლიდერს ჩვენ აღმასრულებელ კომიტეტში.“
„პალატის ხმა ლიდერია ბლოკჩეინის ტექნოლოგიის პოლიტიკაში.ჩვენ მოუთმენლად ველით პალატასთან ერთობლივ მუშაობასა და გრძელვადიანი გადაწყვეტილებების მოძიებას, ვინაიდან იწყება Web3-ისა და გლობალური ეკონომიკის ახალი ერა“-დასძინა კუბამ.
Binance გეგმავს მჭიდრო თანამშრომლობას ციფრული ვაჭრობის პალატასთან და მისი გუნდის წევრებთან,რათა ასწავლოს,შესთავაზოს და დაიცვას ამ დარგისთვის განსაკუთრებით მნიშვნელოვანი გადაწყვეტილებები. Binance ასევე მონაწილეობას მიიღებს კვლევებში,სამუშაო ჯგუფებში,პოლიტიკურ და მარეგულირებელ ორგანოებთან დისკუსიებში,რათა თავისი წვლილი შეიტანოს საზოგადოებისა და მომხმარებლებისთვის სასარგებლო პოლიტიკისა და წესების შემუშავებაში.
პალატის აღმასრულებელი კომიტეტი ადგენს ორგანიზაციის პრიორიტეტებსა და სტრატეგიას.მისი,როგორც მსოფლიოში პირველი და უდიდესი,ბლოკჩეინ ინდუსტრიის სავაჭრო ასოციაციის მისიაა ხელი შეუწყოსბლოკჩეინზე დაფუძნებული ციფრული აქტივებისა და ტექნოლოგიების მიღებას და გამოყენებას.განათლების გაზრდით,ინტერესთა დაცვითა და პოლიტიკურ და მარეგულირებელ ორგანოებთან მჭიდრო თანამშრომლობით,პალატა მუშაობს ზრდისთვის ხელსაყრელი,სამართლებრივი და ნორმატიული გარემოს შექმნაზე,რაც ხელს უწყობს ინოვაციებს,ახალი სამუშაო ადგილების შექმნას და ინვესტიციებს.
Binance არის კრიპტოვალუტური ინფრასტრუქტურის მსოფლიოში წამყვანი მომწოდებელი, რომლის ფინანსური პროდუქტების ჩამონათვალში ირიცხება ციფრული აქტივების, მოცულობით უმსხვილესი ბირჟა. Binance-ის პლატფორმა,რომელსაც ენდობა მილიონობით ადამიანი მსოფლიოში,ემსახურება ფულის თავისუფლების ზრდას და მომხმარებელს სთავაზობს კრიპტოვალუტური პროდუქტებისა და შეთავაზებების შეუდარებელ ჩამონათვალს,რომელთა შორისაა:ვაჭრობა,ფინანსები,განათლება,მონაცემები და კვლევები,ქველმოქმედება,ინვესტიციები და ინკუბაცია,დეცენტრალიზაცია და ინფრასტრუქტურული გადაწყვეტები და სხვ.