„კრიპტო არ ქრება. ჩვენ ისევ აქ ვართ. მოდით, აღვადგინოთ”- დაწერა Binance-ის აღმასრულებელმა დირექტორმა ჩანგპენგ ჟაომ ორშაბათს ტვიტერზე.
შეგახსენებთ, რომ მსოფლიოში სიდიდით მეოთხე კრიპტო-ბირჟის FTX-ის კოლაფსი სწორედ Binance-ის აღმასრულებელი დირექტორის განცხადებებმა გამოიწვია იმის შესახებ, რომ მისი ფირმა FTX-ის შიდა ტოკენის - FTT-ის გაუქმებას აპირებდა.
„ჟაომ ტვიტერზე დაწერა, რომ FTT-ის გაუქმებას აპირებდა. ეს იგივეა, რომ ვინმეს თოვლიანი მთის ძირში ხედავდე და შენ გუნდების სროლა დაიწყო. ამ დროს კარგად იცი, რომ ეს ზვავს გამოიწვევს“, — წერს ტრადიციული და ციფრული აქტივების საინვესტიციო დირექტორი მაქს გოხმანი.
ორშაბათის ტვიტში ჟაომ გარკვეული პასუხისმგებლობა აიღო ამ ეპიზოდზე, მაგრამ აღნიშნა, რომ ასეთ შედეგებს არ მოელოდა.
„ხუთი წლის შემდეგ ვნახავთ, რომ ამ ყველაფერმა ინდუსტრია გააძლიერა,” - აცხადებს ჟაო.
„ზოგიერთი ადამიანს რწმენა შევურყიე, ილუზიები დავუნგრიე, ამისთვის ბოდიშს ვიხდი. ნამდვილად არ ვიცოდი, რომ ჩემი ტვიტი ამდენ ცვლილებას გამოიწვევდა,“— წერს ჩანგპენგ ჟაო ტვიტერზე.
„ამ ბოლოდროინდელი კრახის შემდეგ, ჟაოს, როგორც კრიპტოს მხსნელის და ლიდერის როლის მორგება, შესაძლოა გაუჭირდეს. Binance-ის გენერალური დირექტორი იცნობს იმ მიდგომას - „ჯერ ტვიტი, მერე კითხვები, მერე ისევ კრიპტო“ - ეს არის ბიზნესი, სადაც ლიდერები სოციალურ პლატფორმებს კონკურენტების ლანძღვისა და დამცირებისთვის იყენებენ “, წერს Pehal News-ი.
„ჟაო და Binance-ი, გავლენისა და შესაძლებლობების თვალსაზრისით, ერთადერთია, ვისაც კრიპტოში მიმდინარე ვაკუუმის შევსება შეუძლია“, განაცხადა კრიპტო ანალიტიკური სააგენტო Novum Insights-ის აღმასრულებელმა დირექტორმა ტობი ლუისმა.
Bloomberg-ის ინფორმაციით Binance-ი კრიპტო-ვაჭრობის 50%-ის წილის მფლობელია. ჟაო დამატებით 18,2 მილიარდ დოლარის კერძო ქონებას ფლობს. ბლუმბერგის მილიარდერების ინდექსის მიხედვით ეს ყველაზე დიდი აქტივია, რომელსაც ვინმე კრიპტოში ფლობს.