კრიზისული პერიოდის შემდეგ საცხოვრებელი ტიპის უძრავ ქონებაზე მოთხოვნის ზრდა შეინიშნება. თებერვლის თვეში, თბილისში, ეკონომ სეგმენტის ახალაშენებულ ბინებზე  ტრანზაქციების 2%-იანი ზრდა დაფიქსირდა, განხორციელდა 2,733 ტრანზაქცია, რაც წინა წლის მაჩვენებელს მხოლოდ 4%-ით ჩამორჩება.

გაზაფხული-ზაფხული ბინის ყიდვა-გაყიდვისთვის ყველაზე ხელსაყრელი პერიოდია. ამ სეზონზე ადამიანები მზად არიან ძირეული ცვლილებებისთვის და ცდილობენ, საცხოვრებლის შეცვლა, გადაბარგება თბილ ამინდებში მოასწრონ, რათა ახალ სასწავლო წელს და ცივ ზამთარს ახალ სახლში შეხვდნენ.

რა ტრენდები იკვეთება უძრავი ქონების ბაზარზე?

ჰაერის დაბინძურების მაჩვენებლის ზრდამ, ადამიანებს გაუჩინა სურვილი, იცხოვრონ ისეთ გარემოში, სადაც მეტი სიმწვანე და სუფთა ჰაერია. შედეგად, იკვეთება ცენტრალური ქუჩებიდან მოშორებით მდებარე ბინებზე მოთხოვნის ზრდის ტენდენცია. დიახ, თმობენ ცენტრალურ უბნებს და გამონაბოლქვისგან შედარებით თავისუფალ სივრცეებში გადადიან საცხოვრებლად.

დეველოპერები ითვალისწინებენ მომხმარებლის მოთხოვნას და  აწყობენ ცალკე ეზოებს ახალაშენებული კორპუსებისთვის, მეტიც, აშენებენ უბნის ტიპის კომპლექსებს, სადაც ერთ სივრცეში თავმოყრილია გამწვანებული ეზო, სკვერი განტვირთვისთვის, სათამაშო მოედანი,  სავაჭრო ობიექტები, სპორტდარბაზები და.ა.შ. ეს იმისთვის, რომ  მაცხოვრებლებს არ დასჭირდეთ შორს წასვლა და იქვე, საცხოვრებელი კომპლექსის ფარგლებში შეძლონ, შოპინგიც, დასვენებაც და ვარჯიშიც.

გარდა სიმწვანისა და სუფთა გარემოსი, ასევე ძალიან მნიშვნელოვანია სახლის ენერგოეფექტურობის საკითხი, რადგან ეს პირდაპირ აისახება კომუნალური გადასახადების შემცირებაზე. ენერგოეფექტური სახლის ძირითადი პრინციპი ტემპერატურის შენარჩუნებაა გათბობის და ვენტილაციის გამოყენების გარეშე, მაქსიმალური ჰერმეტიზაციისა და ალტერნატიული ენერგიის წყაროების ხარჯზე. ენერგოეფექტური ბინის ყიდვით ხელს ვუწყობთ ჩვენივე საცხოვრებელი გარემოს გაუმჯობესებას, რაც ნიშნავს იმას, რომ ჩვენ და ჩვენი შვილები უფრო ჯანსაღ გარემოში ვიცხოვრებთ.

როგორ მოვძებნოთ ბინა?

XXI  საუკუნეში ბინის მოძებნის საკითხი სცდება სამაკლერო ჯიხურებს და ონლაინ სივრცეში გადადის. თქვენს სურვილებზე მორგებული ბინის შესაძენად საუკეთესო გზა უძრავი ქონების პლატფორმა Area.ge-ა. არეაზე წარმოდგენილია დეველოპერული სექტორის მრავალი განცხადება და სწორედ ამიტომ არეა იძლევა ზუსტად ისეთი ტრენდული, მოთხოვნადი, კომფორტული ბინის შეძენის საშუალებას, როგორიც ზემოთაა ნახსენები. არეაზე შეგიძლიათ, აარჩიოთ ბინა  სასურველ სართულზე, თქვენთვის სასიამოვნო ხედით,  ოჯახის წევრებზე მორგებული ოთახების რაოდენობით, პარკინგით, ინფრასტრუქტურით და ზოგადად, ყველა იმ მახასიათებლით, რაც აქამდე გინატრიათ.

ბინის ყიდვა არეას დახმარებით მარტივი და სასიამოვნო პროცესია. სრული სიზუსტით წარმოდგენილი განცხადებები ქმნის რეალობის ნათლად აღქმის საშუალებას და თავიდან გაცილებთ იმედგაცრუებებს. არეა მოგყვებათ ბოლომდე ბინის ყიდვა-გაყიდვის პროცესში და სახლის შეცვლის მნიშვნელოვან მოვლენას, საუკეთესო გამოცდილებად გიქცევთ.

(R)