კომპანია „ბიოდიზელ ჯორჯია“ ახალ ქარხანას ააშენებს. ბიოდიზელის საწარმო მომავალ წელს ამოქმედდება და ის თვეში არსებულ ქარხანაზე 5-ჯერ უფრო მეტი პროდუქციის წარმოებას შეძლებს.
„ბიოდიზელ ჯორჯია“ სხვადასხვა საწარმოდან მეორად ზეთს აგროვებს და მისგან ეკოლოგიურად სუფთა ბიოდიზელს აწარმოებს, რომლის დიდი ნაწილი ექსპორტზე ევროპის ქვეყნებში გადის.
„ბიოდიზელ ჯორჯია“ სამომავლოდ კიდევ უფრო გაფართოებას და ბიოდიზელის რეალიზაციის მიზნით მსხვილ ბრენდებთან თანამშრომლობას განიხილავს.
„ევროპაში იმხელა მოთხოვნაა, რომ იქ ცნობადობაც არ გჭირდება, მაინც გაგვაქვს. მეორეს მხრივ ჩვენ ვუყურებთ ფასებს. ფაქტობრივად ჩვენ ორ მარკეტზე ვმუშაობთ თუ გვაწყობს გაგვაქვს ევროპაში, თუ გვაწყობს ვყიდით აქ. ყველაფერი დამოკიდებულია ნავთობის ფასზე, რამდენად იცვლება. როდესაც გვექნება დიდი ქარხანა, ახლა აზრი აქვს დიდი ბრენდებთან მუშაობას, იმიტომ რომ ჩვენ არ გაქვს სათანადო წარმოება. როცა გვექნება მათი მხრიდანაც ბევრი იქნება დაინტერესებული. მით უმეტეს რომ ეს ევროკავშირის მოთხოვნაა და ჩვენ მათ სტანდარტებზე გადავდივართ რაღაც მომენტში ჩვენც მოგვიწევს კანონმდებლობის შეცლა, რომ აუცილებელი იქნება რომ ბიოდიზელი ყოველთვის იყოს დიზელში შერეული“, აცხადებს „ბიზნესპარტნიორთან“ „ბიოდიზელ ჯორგიას“ ხელმძღვანელი გიორგი თოფჩიშვილი.
კომპანია „ბიოდიზელი ჯორჯია“ დაარსდა 2018 წელს. კომპანიამ პირველად საქართველოში და მთელს სამხრეთ კავკასიის რეგიონში შემოიტანა და დანერგა ინოვაციური ტექნოლოგია, რომლის საფუძველზეც აამუშავა ბიოდიზელის ქარხანა და დაიწყო სუფთა, განახლებადი, ეკო-მეგობრული საწვავის - ბიოდიზელის წარმოება.
საწარმო გადაამუშავებს მეორად (გამოყენებულ) მცენარეულ ზეთებს, როგორც ბიოდიზელის საწარმოო ნედლეულს. კომპანიას უკვე შეგროვებული აქვს თითქმის მილიონ ლიტრამდე მეორადი ნარჩენი ზეთი, რომლისგანაც აწარმოა 500 ტონა ლიტრი ოდენობის ბიოდიზელი. ამ გზით კომპანიამ დაზოგა ათას ტონაზე მეტი ნახშირორჟანგის ემისია ატმოსფეროში.
ამასთან ერთად კომპანია „ბიოდიზელი ჯორჯიამ“ დაამუშავა და 45 ჰექტარი მიწა მარნეულის და საგარეჯოს მუნიციპალიტეტებში და დათესა მცენარე რაპსის (ლათ. Brassica napus) კულტურა. ამ მცენარისგან მიღებული ზეთი ძალიან კარგი ნედლეულია ბიოდიზელის საწარმოებლად, ხოლო მცენარე რაპსისგან მიღებული კოპტონი შესანიშნავი მასალაა მეცხოველეობისათვის კომბინირებული საკვების საწარმოებლად. ამგვარად ჩვენმა კომპანიამ ახალი იმპულსი მისცა აგრობიზნესის განვითარებას და დივერსიფიკაციას საქართველოში.