სამედიცინო ველნეს კურორტ "ბიოლის" დამფუძნებელი თამაზ მჭედლიძე ახალ პროექტს იწყებს. საუბარია, „ბიოლის“ ტერიტორიაზე მდებარე, ველნეს კოტეჯებზე, რომლის შეძენაც მსურველებს 50 წლის ვადით შეეძლება, რადგან ინფრასტრუქტურა სწორედ ამ პერიოდზეა გათვლილი.

„მათთვის, ვისთვისაც ჯანმრთელობა და ჯანსაღი ცხოვრება ფასეულობაა, ბიოლი სულ მალე ახალ პროექტს წარადგენს - ველნეს კოტეჯები საკუთრებაში 50 წლით.

უძრავი ქონების ყიდვა არა, ეს ჯანსაღი ცხოვრების სტილის შეძენა იქნება, სათანადო ველნესის მცოდნე პერსონალის მომსახურებით და მედიცინის სფეროს სათანადო სპეციალისტების თანხლებით.
პროექტის არსი:

ადამიანი ცხოვრობს პერიოდულად ან მუდმივად(თუ აქვს ამის შესაძლებლობა) ბიოკლიმატურ პირობებში, რომლებიც მაქსიმალურად ემსახურება მის ჯანმრთელობას და დღეგრძელობას.

მას უქმნიან ინდივიდუალურ ცხოვრების სტილს, კვებით, ფიზიკური აქტივობებით, ძილის რეგულირებით. უტარებენ პროცედურების კომპლექს სიცოცხლის მაჩვენებლების გაუმჯობესების მიზნით, დაგროვილი სტრესფაქტორების პრევენციისთვის ან მათი მოხსნისა. სიცოცხლის განმავლობაში მასთან ერთად სპეციალისტები მართავენ მის ჯანმრთელობის რესურსებს. მას მოემსახურება სპეციალური ველნეს მცოდნე პერსონალი და თანხლებას მისი ცხოვრების სტილისა, მას გაუწევს მედიცინის სფეროს სათანადო სპეციალისტები.

PS: კოტეჯების პროექტის ავტორი, ჩემი სიამაყე გიორგი ხმალაძეა.“— წერს სოციალურ ქსელში სამედიცინო ველნეს კურორტ "ბიოლის" დამფუძნებელი თამაზ მჭედლიძე.