ისტორიაში ყველაზე წარმატებული ამერიკელი ინვესტორის, უორენ ბაფეტის განცხადებით, ბიტკოინი კაზინოს რულეტს ჰგავს, რომელიც ზოგიერთ მოთამაშეს გამარჯვების შანსს აძლევს, თუმცა გემბლერების უმეტესობა, საბოლოო ჯამში, მაინც წაგებული რჩება. მისივე თქმით ბიტკოინი რეალურად არც ვალუტაა, არც ფასიანი ქაღალდი და არც საქონელი იგი კაზინოს მსგავსი გემბლინგისთვის შექმნილი თამაშია, რომელშიც წაგების შანსი თითქმის 100% - ია.
ინვესტორის განმარტებით, კრიპტოაქტივების აბსოლუტურ უმრავლესობას არავითარი ფუნდამენტური, რეალური ღირებულება არ გააჩნიათ და მათ ფასს თითქმის სრულად განსაზღვრავს ტრეიდერების სპეკულაციური აქტივობა.
ბიტკოინთან მიმართებით ბაფეტი მთავარ პრობლემად იმას ასახელებს, რომ კრიპტოაქტივი თავისი არსებობით არაფერს არ ქმნის, მისგან არავითარი მატერიალური სარგებელი, პროდუქტი ან სერვისი არ იქმნება, რაც მას „უაზრო“ საინვესტიციო აქტივად აქცევს.
„ბიტკოინი რეალურად არ არის არც ვალუტა, არც ფასიანი ქაღალდი და არც საქონელი. ეს კაზინოს მსგავსი გემბლინგისთვის შექმნილი თამაშია, რომელშიც წაგების შანსი თითქმის 100%-ია, გარდა უიშვიათესი შემთხვევებისა, რომელთა წარმატების შესახებაც მედიაში შოკისმომგვრელ სათაურებს კითხულობთ ხოლმე“, - აცხადებს ბაფეტი.