„საქართველოს 2022 წლის სახელმწიფო ბიუჯეტის შესახებ“ საქართველოს კანონის თანახმად, საანგარიშო იანვარ-ოქტომბერში წინა წლებში წარმოქმნილი კრედიტორული დავალიანებების დასაფარად 2022 წლის გეგმით გამოყოფილი იქნა 79 000.0 ათასი ლარი, საკასო ხარჯმა შეადგინა 84 988.0 ათასი ლარი.
როგორც სახელმწიფო ხაზინის მიერ გამოქვეყნებულ ინფორმაციაშია აღნიშნული, ცალკეული ღონისძიებების სახით წინა პერიოდში წარმოქმნილი დავალიანების დასაფარად განისაზღვრა 29 000.0 ათასი ლარის ასიგნება, საკასო ხარჯმა შეადგინა 27 717.6 ათასი ლარი, (,,საქართველოს რეგიონალური განვითარებისა და ინფრასტრუქტურის’’ სამინისტროს საავტომობილო გზების დეპარტამენტი მიერ, წინა წლებში შესრულებული საგზაო სამუშაოების აუნაზღაურებელი ნაწილის გადახდა - 27 717.6 ათასი ლარი), წინა წლებში წარმოქმნილი დავალიანების დაფარვისა და სასამართლო გადაწყვეტილებების აღსრულების ფონდის დაზუსტებულმა გეგმამ 50 000.0 ათასი ლარი. აქედან, იუსტიციის სამინისტროს გამოეყო 1 048.6 ათასი ლარი, (საკასო ხარჯმა შეადგინა 1 048.6 ათასი ლარი); ავტონომიური რესპუბლიკებისათვის გადასაცემი ტრანსფერებისთვის 20 000.0 ათასი ლარი (საკასო ხარჯი - 20 000.0 ათასი ლარი); საბიუჯეტო ორგანიზაციების დავალიანების დასაფარად საინკასო დავალებით ჩამოჭრილი თანხების ასანაზღაურებლად გეგმამ შეადგინა 28 951.3 ათასი ლარი (საკასო ხარჯი - 5 916.1 ათასი ლარი).
,,საქართველოს 2022 წლის სახელმწიფო ბიუჯეტის შესახებ“ საქართველოს კანონით გათვალისწინებული ცალკეული ღონისძიებებისათვის და წინა პერიოდში წარმოქმნილი დავალიანების დაფარვის ფონდიდან გამოყოფილი ასიგნებების გარდა, საბიუჯეტო ორგანიზაციების მიერ საბიუჯეტო ასიგნებებში წარმოქმნილი ეკონომიის ხარჯზე წინა პერიოდის დავალიანების დასაფარად საკასო ხარჯმა შეადგინა 30 305.7 ათასი ლარი, მათ შორის, მიზნობრივი გრანტის ფარგლებში გაწეულმა ხარჯმა – 1 115.4 ათასი ლარი.
„წინა წლებში წარმოქმნილი დავალიანების დაფარვისა და სასამართლოს გადაწყვეტილებების აღსრულების ფონდის“ ფარგლებში, საქართველოს ეროვნული ბანკის მიერ, შესაბამისი სააღსრულებლო ბიუროების საინკასო დავალებებით სახაზინო სამსახურის ანგარიშებიდან წინა წლებში წარმოქმნილი დავალიანების დაფარვისა და სასამართლო გადაწყვეტილებების აღსრულების ფონდიდან, დაკისრებული თანხების სახით ავტომატურ რეჟიმში იძულების წესით ჩამოჭრილი იქნა 5 916.1 ათასი ლარი, რაც გატარდა საერთო სახელმწიფოებრივი მნიშვნელობის გადასახდელების ორგანიზაციულ კოდზე.