აგრო ტექნოლოგიური სტარტაპის, DG Systems-ის დირექტორი თორნიკე მჟავანაძე საზოგადოებრივი მაუწყებლის გადაცემაში „რეალური სივრცე“ „აგენტების რუსულ კანონს“ ეხმაურება და აცხადებს, რომ ინოვაციური პროექტი და ტექნოლოგიები საქართველოში ხელმისაწვდომი არ იქნებოდა, რომ არა ევროკავშირის სათანადო მხარდაჭერა და ფულადი დახმარება. მისივე თქმით სტარტაპ ინდუსტრია, ინოვაციური სისტემები და ტექნოლოგიები საქართველოში ამ ეტაპზე ახალი, ფრთხილი, მოწყვლადია.
ამას ემატება ის, რომ ჩვენთან ახლა იღვიძებს ვენჩერული კაპიტალის ბაზარი. კაპიტალს აქვს მადა და ამ მადაზე ძალიან ბევრი ფაქტორი ზემოქმედებს. ნებისმიერმა მცირე ჩარევამ შესაძლოა ამ კაპიტალს და არა მხოლოდ მას, არამედ მთლიანად ეკოსისტემას, რომელიც მომართულია ჩვენზე, მადა დაუკარგოს და საერთოდ გავიდნენ ბაზრიდან». — ამბობს თორნიკე მჟავანაძე.
თორნიკე მჟავანაძემ გადაცემაში ასევე აღნიშნა, რომ დონორი ორგანიზაციების წარმომადგენლები მიუთითებენ იმაზე,რომ „აგენტების რუსული კანონის მიღების შემთხვევაში ქვეყნიდან ინვესტიციების გადინება მოხდება.
«ყველა მიგვანიშნებს, რომ ის ფინანსები, ის დოტაციური რესურსი, რაც აქამდე არსებობდა, უკეთეს შემთხვევაში, ძნელად ხელმისაწვდომი გახდეს. უარეს შემთხვევაში — საერთოდ დავკარგოთ. სად წავა ბიზნესი, თუ მას გამოვაცლით რესურსს — ბიზნესი ყოველთვის იქ წავა, სადაც ამ რესურსის მოპოვების საშუალება იქნება, რასაც მოჰყვება ინტელექტუალური რესურსების, იდეების, ინოვაციების გადინება.
ჩვენ ახლა იმ ეტაპზე ვართ, როცა არა მხოლოდ ფინანსური მხარდაჭერა გვჭირდება, არამედ ცოდნის კუთხითაც. თუ ვაღიარებთ, რომ ეს ყველაფერი არის სიკეთეები — და ეს არის დიდი სიკეთეები — თუ ეს სფერო გახდა და სასწორის ერთ პინაზე დევს ეს ყოველივე, რა დევს მეორე პინაზე ამაზე უკეთესი — ამაზე პასუხი არ მაქვს“ - აღნიშნა თორნიკე მჟავანაძემ.