„ძალიან ვგულშემატკივრობ პროფესიულ განათლებას, რადგან ეს არის უმოკლესი გზა დასაქმებისკენ , ჯერ კიდევ ბევრი გამოწვევა გვაქვს იმასთან დაკავშირებით, რომ ის გახდეს იმაზე პრესტიჟული ვიდრე დღეს არის“ - ამის შესახებ რადიო „კომერსანტის“ გადაცემაში , „ბიზნესი და სამართალი ნინო ლიპარტიასთან ერთად“ ადამიანური რესურსების და ორგანიზაციული განვითარების კონსულტანტმა ნანა ყუფუნიამ ისაუბრა. მისი თქმით პროფესიის პრესტიჟის ამაღლება ერთ-ერთი უმნიშვნელოვანესია, პროფესიულ განათლებას წლებია მოსდევს, რომ არც ისე პრესტიჟული იყო, თუმცა დღეს ეს მითი იმსხვრევა , ძალიან პოპულარულია სხვადასხვა პროფესია, იგივე კულინარიას ამდენი შოუ ეძღვნება და დღეს სხვადასხვა ტიპის პროფესია ძალიან პოპულარულია.
რაც შეეხება ავტორიზაციის სტანდარტებს ნანა ყუფუნიას თქმით , ავტორიზაციის სტანდარტები 2021 წლის თებერვლიდან შეიცვალა. მისივე თქმით სტანდარტებზე საკითხი შემდეგნაირად დგას, თუ როგორ განვმარტავთ სტანდარტებთან შესაბამისობას და როგორ მივუახლოვდეთ ამ სტანდარტებს.
„გამოწვევები თავიდანვე იყო , როდესაც 5 სტანდარტი დაინერგა , პირველი ეს არის სტრატეგია მისია, მეორე პროგრამებს ეხება, მესამე სტუდენტურ სერვისებს, მეოთხე არის Hr სტანდარტი პროფესიულ საგანმანათლებლო დაწესებულებაში და მეხუთე მატერიალური რესურსები.
განსაკუთრებით მნიშვნელოვანი გამოწვევა ადამიანური რესურსების მართვის სტანდარტებს აქვს ჯერ კიდევ, იმიტომ რომ ძალიან მნიშვნელოვანია პროფესიულ განათლებაში დარგის სპეციალისტების ჩართვა.
პროფესიული განათლება , განათლების სხვა მიმართულებისგან იმით გამოირჩევა, რომ ეს არის სახელობო განათლება, კეთებით სწავლება და ძალიან დიდი მნიშვნელობა აქვს, რომ დარგის სპეციალისტი, რომელიც არ არის მოწყვეტილი დარგს და იცის უახლესი ტენდენციები, იყოს ჩართული, თუმცა ასეთი პროფესიონალი ყველა კარგი პროფესიონალი და კარგი მათემატიკოსი არ არის და კარგი კულინარი ან კარგი შემდუღებელი არ ნიშნავს იმას, რომ კარგია ან ექნება სურვილი. ამ მიმართულებით დღეს ძალიან მნიშვნელოვანია და არის გამოწვევა , რომ დარგის სპეციალისტები იყვნენ მაქსიმალურად ჩართულები პროფესიულ განათლებაში, ამიტომაც არის საუბარი და ბიზნესისგან ვისმენთ, რომ არ არის კურსდამთავრებულებში ის ხარისხი, რომელიც ბაზარს და ბიზნესს სჭირდება კომპეტენციების მხრივ, ერთ-ერთი მიზეზი სწორედ ეს არის, ბიზნესმა უნდა გაითავისოს რომ უნდა გამოუშვას თავის თანამშრომლები პროფესიულ განათლებაში, თუ გვყავს კარგი შემდუღებელი რომელსაც შეუძლია რომ თავისი გამოცდილება მომავალ თაობებს გადასცეს, ჩვენ ხელი უნდა შევუწყოთ ამას. არა მხოლოდ ზოგადი მიზნებისთვის, არამედ ბიზნესის მიზნებისთვისაც , ის ხალხი რომელსაც გადავამზადებთ თქვენივე წარმატებული თანამშრომლის მეშვეობით დაბრუნდება თქვენივე ორგანიზაციაში“,- აღნიშნა ნანა ყუფუნიამ.
ნანა ყუფუნიას თქმით, დღეს დარგობრივი ორგანიზაციების შექმნა აქტიურ ფაზაშია, რაც იმას გულისხმობს, რომ აღნიშნულ ორგანიზაციებში ბიზნესი იქნება იმის განმსაზღვრელი თუ რომელი პროფესიული პროგრამები უნდა შეიქმნას და ა.შ. რა არის ტენდენციები, როგორი სტანდარტები უნდა შეიქმნას და ა.შ.
„მათ შორის ადამიანური რესურსების გაცვლის პროცესში უნდა იყვნენ საუკეთესო თანამშრომლები , იგივე სტუმარ მასპინძლობის სექტორიდან, რაც უფრო მეტი პრაქტიკოსი იქნება ჩართული პროფესიულ განათლებაში ეს ნიშნავს რომ უფრო მეტი მომზადებული კადრი გვეყოლება“ - აღნიშნა ნანა ყუფუნიამ.
თაკო კვაჭანტირაძე