ამერიკული საინვესტიციო კომპანია Blackstone Inc. ავსტრალიურ კაზინოების ოპერატორ კომპანიას Crown Resorts Ltd 6,3 მლრდ დოლარად ყიდულობს. ამის შესახებ ინფორმაციას კომპანიის პრესსამსახური ავრცელებს.
Blackstone კომპანიის აქციონერებს ერთ ერთეულ აქციაში 13,1 ავსტრალიურ დოლარს გადაუხდის. შეთანხმების გაფორმებაზე კენჭისყრა კი 2022 წლის მეორე კვარტალში გაიმართება. კონტრაქტი თანხმობას საჭიროებს ასევე მარეგულირებელი ორგანოების მხრიდან.
ეს არ არის პირველი შემთხვევა, როდესაც Blackstone-მა Crown Resorts-ის შეძენაზე განცხადება გააკეთა. ინვესტკომპანიამ წინადადება პირველად გასული წლის მარტში წამოჭრა, მაშინ შეთავაზებამ 11,85 ავსტრალიური დოლარი შეადგინა აქციაზე. ამის შემდეგ Blackstone-მა ფასი რამდენჯერმე გაზარდა. კომპანიის ამჟამინდელი შეფასება წარმოადგენს Crown Resorts-ის აქციების ღირებულებაზე დამატებით 33%-იან პრემიას.
Crown Resorts-ის აქციების ფასი აღნიშნული ინფორმაციის გავრცელების ფონზე თითო აქციაზე 2,02%-ით 12,64 ავსტრალიურ დოლარამდე გაიზარდა.
bpn.ge