მე-19 საუკუნის ბოლოდან დღემდე მსოფლიო ლიდერი ნავთობგადამუშავების დარგში აშშ იყო - პირველად, ასწლეულების მანძილზე ეს რეალობა იცვლება და პირველ ადგილზე ჩინეთი გადის. სავარაუდოდ, ეს უკვე 2021 წელს მოხვდება.
საერთაშორისო ენერგეტიკული სააგენტოს ინფორმაციით, პეკინი ნავთობგადამამუშავებელ სიმძლავრეებს აქტიურად ზრდის და ამ ბაზარზე ლიდერობისთვის ემზადება.
კერძოდ, ჩინეთში 4 ნავთობგადამამუშავებელი ქარხანა შენდება, მაშინ, როდესაც შტატებში პირიქით, იხურება - მაგალითად, სულ რამდენიმე კვირის წინ, ლუიზიანაში Shell-მა ქარხანა Convent დახურა.
ეს საწარმო 1967 წელს გაიხსნა, და მაშინ აშშ-ს ნავთობგადამუშავება ჩინურს 35-ჯერ აღემატებოდა.
ენერგეტიკური სააგენტოს მონაცემებით, 4 ახალი ქარხანა ჩინეთში დღე-ღამეში 1,2 მლნ. ბარელ ნავთობს გადაამუშავებს, რაც ბრიტანეთის მთლიან დღიურ ნავთობგადამუშავებას უდრის. თანაც ეს მაშინ, როდესაც პანდემიის გამო მოთხოვნა საწვავზე, და მასთან ერთად ნავთობის მოპოვება-გადამუშავებაც მკვეთრად შემცირდა.
ვარდნამ დღე-ღამე 1,7 მლნ. ბარელი შეადგინა, და კლების ნახევარი სწორედ ამერიკაზე მოდის.
თუმცა, ამის მიუხედავად, აზიაში ეკონომიკა, და მასთან ერთად ნავთობმოხმარება იზრდება, მაშინ, როდესაც ევროპაში და შტატებში პანდემიას ბოლო არ უჩანს, და ეკონომიკაც ვარდნას განაგრძობს.
ჩინეთის ნავთობდაგამამუშავებელი მრეწველობის ზრდა, რამდენიმე ახალი ქარხნის ამოქმედება ინდოეთში და ახლო აღმოსავლეთში მსოფლიო ენერგეტიკულ სისტემაზე დიდ გავლენას მოახდენენ. ექსპორტიორები მეტ ნავთობს აზიაში ყიდიან, და ნაკლებს - ევროპა-ჩრდილოეთ ამერიკაში.
ჩინეთის ნავთობგადამამუშავებელი ქარხნები ბენზინის, დიზელის, და სხვა საწვავის ბაზრების აქტიური მონაწილეები ხდებიან, რაც გავლენას არა მხოლოდ ევროპაზე და ამერიკაზე, არამედ აზიის სხვა ქვეყნებზეც ახდენს,
მაგალითად, Shell სინგაპურში თავისი ნავთობგადამამუშავებელი ქარხნის წარმოებას 2-ჯერ ამცირებს.
ჩინეთში, ინდოეთსა და ახლო აღმოსავლეთში ახალი სიმძლავრეების აშენების მიუხედავად, ნავთობის ბაზარს კორონავირუსის მიერ მიყენებული ზარალის დაძლევისთვის წლები დასჭირდება.
ათასწლეულის დასაწყისიდან ჩინეთის გადამამუშავებელი სიმძლავრეები 3-ჯერ გაიზარდა, რადგანაც ქვეყნის სწრაფად განვითარებად ეკონომიკას სულ უფრო მეტი და მეტი საწვავი სჭირდება. ჩინეთის ეკონომიკის და ტექნოლოგიების მეცნიერულ-კვლევითი ინსტიტუტის პროგნოზით, 2021 წელს ნავთობგადამუშავება ჩინეთში დღე-ღამეში 20 მლნ., ბარელამდე გაიზრდება.
bloomberg
მოამზადა თენგიზ აბლოთიამ