ევროპის ცენტრალური ბანკი აძლიერებს ზეწოლას ზოგიერთ კომერციულ ბანკზე, რათა მათ 2022 წლის ბონუსებთან დაკავშირებით სიფრთხილე გამოიჩინონ, ეკონომიკური პერსპექტივის გაუარესების შიშის ფონზე, —  ამის შესახებ სფეროს ექსპერტები აცხადებენ.

ევროზონის უმაღლესმა საბანკო ზედამხედველმა ცოტა ხნის წინ განუცხადა ცალკეულ კრედიტორებს, რომ იგი ელოდება შეზღუდვას ცვლადი ანაზღაურებისა და დივიდენდების შესახებ, რადგან ის შეშფოთებულია, რომ ენერგეტიკულმა კრიზისმა, შეიძლება გამოიწვიოს დეფოლტის ტალღა. აღსანიშნავია, რომ ECB პროგნოზირებს, რომ ევროპაში მომავალ წელს უფრო მკვეთრი შენელება იქნება. 

მზარდი ზეწოლა დაიწყო მას შემდეგ, რაც ევროზონის რამდენიმე ბანკმა, მათ შორის UniCredit SpA-მ, Commerzbank AG-მა და Deutsche Bank AG-მა ცოტა ხნის წინ ბონუსების ზრდის პროგნოზი გააკეთა, მიუხედავად იმისა, რომ მზარდი ინფლაცია და მზარდი საპროცენტო განაკვეთები გავლენას ახდენს ეკონომიკურ პერსპექტივაზე. კრედიტორებმა ასევე განაცხადეს, რომ ნაკლებად სავარაუდოა, მათ დასჭირდეთ დიდი სასესხო რეზერვები ევროპაში ენერგიის ფასების ზრდის დამატებითი გამოწვევის შემთხვევაშიც კი.

ბონუსები, როგორც წესი, ითვალისწინებს კაპიტალის გადინების უფრო მცირე რაოდენობას, ვიდრე დივიდენდები, თუმცა მაგალითები, როგორიცაა Deutsche Bank, აჩვენებს, რომ ეს ყოველთვის ასე არ არის, ისევე როგორც ყველა გადინება, ბონუსებმაც შეიძლება შეიტანოს ფირმის ფინანსურ რეზერვებში ცვლილებები.

ECB-ს სამეთვალყურეო საბჭოს ხელმძღანელი ანდრეა ენრია ფიქრობს, რომ კრედიტორები შეიძლება არ აფასებენ რისკებს. 

„ევროპა მუდმივი და სრულფასოვანი მაკროეკონომიკური შოკის წინაშე დგას, რაც ზედამხედველების მხრიდან უკიდურესი სიფრთხილის გამოჩენას მოითხოვს“,- თქვა მან.

bloomberg.com