Bloomberg Intelligence-ის უფროსის სტრატეგის მაიკ მაკგლონის პროგნოზით, მარეგულირებლების წინააღმდეგობის მიუხედავად, უახლოეს მომავალში კრიპტოვალუტის ფლაგმანი ისტორიულ მაქსიმუმს მიაღწევს და მისი ფასი 69 000 დოლარი იქნება. ამის შესახებ Finbold-ი წერს.
ანალიტიკოსი დარწმუნებულია, რომ ბიტკოინი, შემოსავლიანობის დინამიკის თვალსაზრისით, შეინარჩუნებს უპირატესობას ფინანსური აქტივებთან შედარებით, მათ შორის ოქროსთან მიმართებაშიც.
მარტში ბიტკოინის ფასმა $29,000-ს მიაღწია, რაც 2022 წლის ივნისის დონეა. ზოგადად, გაზაფხულის პირველ თვეში ბიტკოინი 23%-ით გაძვირდა. კრიპტოვალუტამ ტრადიციულ ფინანსურ აქტივებთან – ოქროსთან, აქციებთან და ნაღდ ფულთან შედარებით საუკეთესო დინამიკა აჩვენა.
მაკგლონი იმასაც ამბობს, რომ გლობალური ფინანსური კრიზისი ახლოვდება, რომელიც ისტორიაში ყველაზე მძაფრი იქნება. ექსპერტმა ის შეერთებულ შტატებში დიდ დეპრესიას შეადარა, რომელიც 1929 წლის ოქტომბერში დაიწყო.
მაკგლონი თვლის, რომ კრიზისი Fed-ის (ფედერალური სარეზერვო სისტემა) ზედმეტად აგრესიულ მონეტარული პოლიტიკას გამოიწვევს. ანალიტიკოსი ხაზს უსვამს, რომ აშშ-ში ინფლაციის მაჩვენებელი პიკს აღწევს. ამავდროულად, Fed მზად არის, გამოიყენოს ყველა შესაძლო ინსტრუმენტი, რათა გავლენა მოახდინოს სიტუაციაზე. სამომავლოდ, ბაზარი განაკვეთის კიდევ 25 საბაზისო პუნქტით - 5-5,25%-მდე ზრდას ელოდება წელიწადში.