რუსული ენერგოგიგანტი „გაზპრომის“ ბუნებრივი გაზის ყოველდღიური ექსპორტი ძირითად უცხოურ ბაზრებზე ოქტომბერში შემცირდა, რადგან ევროპაში ნაკადები შეზღუდულია.

შეშფოთება რუსეთის საწვავის მიწოდებასთან დაკავშირებით, რომელიც ისტორიულად შეადგენდა ევროპის გაზის დაახლოებით მესამედს, ბოლო კვირებში შემცირდა. უჩვეულოდ თბილმა ამინდმა შეაფერხა გათბობის მოთხოვნა, რაც ევროპულ ქვეყნებს საშუალებას აძლევს განაგრძონ გაზის მარაგის შეგროვება. ევროკავშირის გაზის საწყობები გასული კვირის ბოლოს 94%-ზე მეტით იყო სავსე, ხუთწლიანი სეზონური საშუალო 89%-თან შედარებით.

„გაზპრომს“ ბუნებრივი აირის ექსპორტის მოცულობა, მიმდინარე წლის იანვარ-ოქტომბერში გასული წლის ანალოგიურ პერიოდთან შედარებით 42,6 პროცენტით, ხოლო წარმოება - 18,6 პროცენტით შეუმცირდა.

კომპანიის ცნობით, 2022 წლის 10 თვის განმავლობაში „გაზპრომმა“, წინასწარი მონაცემებით, 344 მილიარდი კუბური მეტრი გაზი აწარმოა, რაც 2021 წელთან შედარებით, 18,6 პროცენტით ნაკლებია.

დსთ-ს არაწევრ ქვეყნებში ექსპორტმა კი 2022 წლის 10 თვეში 91,2 მილიარდი კუბური მეტრი შეადგინა. რაც 2021 წლის ანალოგიურ პერიოდთან შედარებით 42,6 პროცენტით ნაკლებია.

„გაზპრომსა და CNPC-ს შორის ორმხრივი გრძელვადიანი კონტრაქტის ფარგლებში, ჩინეთში, გაზის ექსპორტი Power of Siberia გაზსადენის მეშვეობით გაიზარდა. მიწოდება კი რეგულარულად სცილდება დღიურ სახელშეკრულებო რაოდენობას“, - ნათქვამია ჰოლდინგის განცხადებაში.

Bloomberg. com