გასულ წელს საქართველოში ალკოჰოლის მოხმარებამ ისტორიულ მინიმუმმს მიაღწია. ალკოჰოლის შიდა მოხმარება 2011 წელთან შედარებით 40%-ით არის შემცირებული. 2011 წელს წლიურად 47 მლნ ლიტრი ალკოჰოლის მოხმარება ხდებოდა, - 2021-ში კი 28-ის. TBC კაპიტალის კვლევის მიხედვით, ქართველებში ყველაზე პოპულარული ალკოჰოლური სასმელი ღვინოა, რომელიც მთლიან მოხმარებაში 87%-ს იკავებს. გასულ წელს ოჯახების რაოდენობა, ვინც ღვინოს მოიხმარენ 2019 წელთან შედარებით 13%-ით შემცირდა.
თუკი მაგალითად 2014 წელს შინამეურნეობების მიერ მოხმარებული ჯამური ალკოჰოლის რაოდენობა წლიურად 51 მლნ ლიტრს შეადგენდა, 2021-ში ეს მოცულობა 28 მლნ ლიტრამდე შემცირდა.
ჯამში შინამეურნეობების 10% მოიხმარს ღვინოს, მაშინ როდესაც 2004 წელს შინამეურნეობების 20% მოიხმარდა ღვინოს. შემცირებულია სპირტიანი სასმელების მოხმარებაც - მას თუკი შინამეურნეობების 11.5% მოიხმარდა 2004 წელს გასულ წელს ეს მაჩვენებელი 4%-ს შეადგენდა. რაც შეეხება ლუდს და სხვა ტიპის შუშხუნა სასმელებს - მათი მოხმარების მაჩვენებელი საკმაოდ დაბალია, - 2%.