ბიზნესდაჯილდოება 2022-ზე სიტყვის გამოსვლისას საქართველოს ეროვნული ბანკის პრეზიდენტმა კობა გვენეტაძემ მცირე და საშუალო ბიზნესის დოლარიზაციის მაჩვენებელზე სესხებში ისაუბრა, რაც მისი თქმით შემცირებულია.

„ბოლო 4 წლის განმავლობაში მცირე და საშუალო ბიზნესის დოლარიზაციის მაჩვენებელი სესხებში 12%-ით არის შემცირებული, რაც ვფიქრობ, ძალიან მნიშვნელოვანია, რადგან მერყეობა კურსის მერყეობიდან ბიზნესისთვის საკმაოდ დამაზიანებელია. ასევე, თუ მცირე და საშუალო ბიზნესის წილი მთლიანად პორტფელში, მაგალითად 4 წლის წინ 25% იყო, დღეს 28%-ია. ეს არ არის მაღალი, გაცილებით მეტი გვჭირდება, მაგრამ ვფიქრობთ, ეს მიმართულება სწორია, რადგან ეს ის სფეროა, რომელიც სამუშაო ადგილებს ქმნის, ხელფასებს იხდის და ამიტომ ამას დიდი მნიშვნელობა აქვს“, - განაცხადა გვენეტაძემ.

მისი თქმით, ბიზნესი ის სფეროა, რომლის გარეშეც ქვეყნის ეკონომიკა ვერ იფუნქციონირებს, ამიტომ მნიშვნელოვანი გადაწყვეტილებებისას მათი გათვალისწინება აუცილებელია.

„ბიზნესი ქმნის ეკონომიკა. პანდემიის პერიოდში წინ წამოვიდა სახელმწიფოს როლი, რადგან ისეთი გლობალური გამოწვევების შემთხვევაში, როგორიც COVID-19 იყო, შეუძლებელი გახდა კერძო ბიზნესს რაიმე გამოსავალი ენახა. ისმოდა ხოლმე კითხვები, რამდენი ხანი წაჰყვება ეს ეკონომიკას, რამდენი ხანი შეეცდება სახელმწიფო მოაშუშოს ის იარები, რომელიც პანდემიამ დატოვა, მაგრამ როგორც დავინახეთ პანდემიის დამთავრების შემდეგ ეკონომიკამ სწრაფად დაიწყო გამოცოცხლება და ამაში მთავარი წვლილი ბიზნეს ეკუთვნის. თუმცა იქიდან გამომდინარე რომ ბიზნესსა და ეკონომიკას შორის მნიშვნელოვან ფუნქციას ფინანსური სექტორი ასრულებს, უნდა ვთქვა, რომ ჯანსაღი ფინანსური სექტორის გარეშე შეუძლებელი იქნებოდა ამის გაკეთება“, - განაცხადა კობა გვენეტაძემ.