მაშინ როდესაც ევრო პარიტეტზე მაღლა დგას, სამშაბათს 13 სექტემბერს, აშშ-ის  ინფლაციის მაჩვენებლების  გამოქვეყნებამდე დოლარის კურსი კიდევ უფრო შემცირდა - ამის  შესახებ ინფორმაციას Reuters ავრცელებს.

მათივე ინფორმაციით, დოლარის ინდექსი, რომელიც აშშ დოლარს 6 ვალუტის კალათის მიმართ ზომავს, 0,4%-ით დაეცა, რაც 10 აგვისტოს შემდეგ ყველაზე დიდი ვარდნაა.

ევრო დოლარის მიმართ 0.6%-ით 1.0180$-მდე მას შემდეგ გაიზარდა, რაც წინა სესიაზე თითქმის ერთთვიან მაქსიმუმს,  $1.0198-ს მიაღწია.

დოლარი, რომელიც  უფრო რბილი იყო იაპონური იენის მიმართ, 0.5%-ით , 142.06-მდე დაეცა.

აშშ-ში ძირითადი სამომხმარებლო ფასების ინდექსი 0,3%-ით  გაიზარდა, მოსალოდნელია, რომ აშშ-ში მთლიანი ინფლაცია ყოველთვიურად 0,1%-ით დაიკლებს.

ECB-ის  გადაწყვეტილების გამო, ევრო პარიტეტზე მაღლა დგას, გასულ კვირას ხუთმა  წყარომ  Reuters-ს უთხრა, რომ ევროპული ინფლაციის  შესაჩერებლად, ევროპული საბაზისო განაკვეთი შესაძლოა 2%-მდე გაიზარდოს.

წინასწარი მონაცემების მიუხედავად, აგვისტოში გერმანიაში 8,8%-იანი ინფლაცია დაფიქსირდა, ესპანეთში აგვისტოში წინა წლის ანალოგიურ პერიოდთან შედარებით სამომხმარებლო ფასები 10,5% -ით  გაიზარდა, რაც ანალიტიკოსების პროგნოზს ოდნავ აღემატებოდა.

გაზის მიწოდების შესახებ ხელშეკრულებაში მომავალი თვისთვის  ევროპის საორიენტაციო მაჩვენებელი სტაბილური  დარჩა, თუმცა ის აგვისტოს პიკთან შედარებით 45%-ით დაბალია.

„გაზზე  ფასის კლება ევროს აღდგენის  ერთ-ერთი მიზეზია“ -   აღნიშნა, Nodrea-ს წარმომადგენელმა, თუმცა მან  ასევე  აღნიშნა, რომ ბოლოდროინდელი სიძლიერე ხანმოკლე  იქნება.

„ევროსთან დაკავშირებით სიტუაცია იმ შემთხვევაში გაუმჯობესდება, თუ გაზის ფასები კიდევ უფრო დაიკლებს, მაგრამ ჩვენ უნდა ვნახოთ, როგორ განხორციელდება ეს, რათა შევცვალოთ ჩვენი შეხედულება“, — დასძინა კრისტენსენმა. იგი წლის  ბოლოსთვის ევროს 0,95 დოლარამდე დაცემას მოელის.

რაც შეეხება  ფუნტს, ვალუტამ, დოლართან მიმართებაში ორკვირიან მაქსიმუმს  მას შემდეგ მიაღწია, რაც გაერთიანებული სამეფოში  უმუშევრობის დონე 1974 წლის  შემდეგ ყველაზე დაბალ  ნიშნულამდე დაეცა.