საგარეო პოლიტიკისა და უსაფრთხოების საკითხებში ევროკავშირის უმაღლესმა წარმომადგენელმა, ჟოზეფ ბორელმა განაცხადა, რომ ევროკავშირი ვერ განავითარებს ნორმალურ ურთიერთობას ჩინეთთან, თუ პეკინი არ გამოიყენებს თავის გავლენას რუსეთზე, რათა დაარწმუნოს იგი, გაიყვანოს თავისი ჯარები უკრაინიდან და დაასრულოს ომი.
ამის შესახებ ევროკავშირის უმაღლესმა წარმომადგენელმა ევროკავშირსა და ჩინეთს შორის ურთიერთობის სტრატეგიაზე ევროპარლამენტში გამართულ სესიაზე განაცხადა.
ევროკავშირის მაღალჩინოსანმა აღნიშნა, რომ ევროკომისიის პრეზიდენტმა, ურსულა ფონ დერ ლაიენმა ჩინეთში ვიზიტის დროს განაცხადა, რომ ურთიერთობები ევროკავშირსა და ჩინეთს შორის ნორმალურად არ განვითარდება, თუ ჩინეთი არ გამოიყენებს თავის გავლენას რუსეთზე, რათა მოსკოვმა გაიყვანოს თავისი ჯარები უკრაინიდან ამ ომის დასასრულებლად.
ბორელმა ასევე აღნიშნა, რომ კონფლიქტის ფონზე, რომელიც ეხება დამოუკიდებელი სახელმწიფოს ტერიტორიულ მთლიანობასა და სუვერენიტეტს, რომლის საზღვრები დაცულია საერთაშორისო სამართლით, ნებისმიერი ნეიტრალიტეტი აგრესორის სასარგებლოდ მუშაობს.