ევროკავშირის მთავარი დიპლომატი ჟოზეფ ბორელი მიიჩნევს, რომ ევროგაერთიანების ქვეყნები რუსულ გაზზე უარის თქმას ორი წლის განმავლობაში შეძლებენ. დიპლომატმა ისიც აღნიშნა, რომ ევროკავშირის მიზანია რუსულ ენერგორესურსებზე დამოკიდებულების შემცირება, და არა მთი იმპორტის სრული აკრძალვა.

მიიღე ინფორმაცია უფრო სწრაფად „კომერსანტის“ Telegram-ზე.

„ჩვენ გვინდა შევამციროთ დამოკიდებულება რუსულ გაზსა და ნავთობზე, დღეს ძალიან ვართ დამოკიდებული. დღეს გამოჩნდა, რომ რუსეთი არასანდო პარტნიორია და ამიტომ ვცდილობთ რესურსების იმპორტის დივერსიფიცირებას. ამ საკითხში ახლო აღმოსავლეთს დიდი როლის შესრულება შეუძლია“, – განაცხადა ბორელმა ტელეარხთან Sky News Arabia ინტერვიუში.

ევროკავშირის ქვეყნების გაზმომარაგებაში რუსეთის წილი 40%–ს შეადგენს, ნავთობში – 25%–ს, ხოლო ნახშირით გაერთიანების ბაზრის 50% მარაგდება. ევროკომისია მასში წარმოადგენს გეგმას, თუ რა უნდა გაკეთდეს 2027 წლამდე რუსულ ნედლეულზე უარის სათქმელად.