დღევანდელი სამიტიდან პირველი გაკვეთილი არის, რომ ვლადიმერ პუტინი იმედოვნებდა ნაკლებ NATO-ს დასავლეთ საზღვრებზე უკრაინაში არაპროვოცირებული, უკანონო შეჭრის შედეგად. სრულიად არასწორი აღმოჩნდა, ის იღებს მეტ NATO-ს, – ამის შესახებ ბრიტანეთის პრემიერ-მინისტრმა ბორის ჯონსონმა NATO-ს სამიტის დაწყებამდე ჟურნალისტებს განუცხადა.
მისივე თქმით, NATO-ში იღებენ ორ ახალ წევრს – ფინეთსა და შვედეთს, რაც უზარმაზარი წინგადადგმული ნაბიჯია ალიანსისთვის.
ამასთან, როგორც ბორის ჯონსონმა აღნიშნა, NATO-ს სამიტზე სხვა საკითხებთან ერთად, ასევე ისაუბრებენ, თუ როგორ შეუძლია ალიანსს, მეტად დაეხმაროს უკრაინელებს.
„ბევრი მნიშვნელობით, ეს არის ისტორიული სამიტი. ჩვენ ვიღებთ ორ ახალ წევრს – ფინეთსა და შვედეთს, რომლებიც წევრიანდებიან ალიანსში. ეს არის უზარმაზარი წინგადადგმული ნაბიჯი ჩვენი ალიანსისთვის. ჩვენ ვისაუბრებთ, თუ როგორ შეუძლია ალიანსს, მეტად დაეხმაროს უკრაინელებს. ასევე ჩვენ გვჭირდება, ვიფიქროთ გასული თვეების გაკვეთილებზე და NATO-ს საჭიროებაზე, გადახედოს პოზიციას მის აღმოსავლეთ საზღვარზე“, – განაცხადა ბორის ჯონსონმა.
შეგახსენებთ, თურქეთის, ფინეთისა და შვედეთის საგარეო საქმეთა მინისტრებმა სამმხრივ მემორანდუმს მოაწერეს ხელი, რომელიც ადასტურებს, რომ მადრიდის NATO-ს სამიტზე თურქეთი მხარს დაუჭერს ალიანსში ფინეთისა და შვედეთის გაწევრიანებას.
ბორის ჯონსონი
