„ბორუსან კატმა“ კომპანიის 25 წლის იუბილე აღნიშნა. მასშტაბურ ღონისძიებაზე, რომელიც „ბორუსან კატის“ სათავო ოფისში გაიმართა, კომპანია „კატერპილარის“ წარმომადგენლებთან ერთად დიპლომატიური კორპუსის, კერძო და საჯარო სექტორის წარმომადგენლები დაესწრნენ.
ღონისძიებაზე მსურველებს საშუალება ჰქონდათ, კომპანიის პროდუქციას, მის ისტორიასა და სამომავლო გეგმებს გაცნობოდნენ.
„ბორუსან კატი“ „კატერპილარის“ ოფიციალური დილერია საქართველოში. ის მომხმარებელს ამერიკული ბრენდის „კატერპილარის“ საგზაო-სამშენებლო ტექნიკას, ენერგო სისტემებს და გაყიდვების შემდგომ მომსახურებას სთავაზობს მობილური ტექნიკური ჯგუფების მეშვეობით, საქართველოს ნებისმიერ წერტილში. წლების განმავლობაში, კომპანია ადგილობრივ ბაზარზე უახლესი ტექნოლოგიების დანერგვას უწყობს ხელს.
„ბორუსან კატის“ დირექტორის, ბაშარ გუვენის განცხადებით, საქართველოს ბაზარზე განსაკუთრებით აქტუალურია სამშენებლო და ენერგო სექტორი.
„ჩვენ ამ მიმართულებით მრავალ პროექტში ვართ ჩართული და ბაზარზე 25 წლიანი ოპერირების მანძილზე 5000-ზე მეტ იურიდიულ თუ ფიზიკურ პირს მოვემსახურეთ“, — აცხადებენ „ბორუსან კატში“.
როგორც კომპანიაში განმარტავენ, პროდუქციის ხარისხმა, მომსახურების მრავალფეროვნებამ და მომხმარებლებისადმი ინდივიდუალურმა მიდგომამ „ბორუსან კატი“ სექტორის ერთ-ერთ მოწინავე მოთამაშედ აქცია. „კატის“ ტექნიკას მნიშვნელოვანი წვლილი შეაქვს ქვეყნის ინფრასტრუქტურულ და ურბანულ განვითარებაში.
„ჩვენ მიერ რეალიზებული ტექნიკა გამოიყენება ჰესების მშენებლობისათვის, ბუნებრივი წიაღისეულის მოპოვებისათვის, გზების, ხიდების და გვირაბების მშენებლობა/რეაბილიტაცია/მოვლა-შენახვისთვის და სხვა“, — ამბობენ კომპანიაში.
კომპანია თბილისში ორი, ხოლო ბათუმში ერთი ფილიალით არის წარმოდგენილი და ამჟამად 60-მდე დასაქმებულს აერთიანებს. 2023 წლისთვის კი გაფართოებას გეგმავს ქალაქ ქუთაისში.
(R)