ჰოლივუდის ცნობილმა მსახიობმა, ბრედ პიტმა კანის მოვლის ახალი ხაზი სახელწოდებით Le domaine გამოუშვა - ამის შესახებ ინფორმაციას გამოცემა Independent ავრცელებს. მათივე ინფორმაციით, მსახიობმა საკუთარი ბრენდის კანის მოვლის საშუალებები ექსკლუზიურად ამერიკულ Vogue-ს წარუდგინა.
Le domaine-ის პროდუქციაშია სახის გამწმენდი ემულსია, ორი სახის კრემი და შრატი, პროდუქციაში შემავალი ნივთიერებები 96- დან 99%-მდე ბუნებრივი წარმოშობისაა და ვეგანურია.
„ჩვენი პროდუქციის სურნელი ძალიან ბუნებრივია, ძალიან ახალი და დახვეწილი. მე ვარ ადამიანი, რომელსაც შეუძლია სასტუმროს ნომერი შეიცვალოს მხოლოდ იმიტომ, თუ იქ ბოლოს ნამყოფი ადამიანის სუნამოს სუნი იგრძნობა“ , - აღნიშნა ბრედ პიტმა.
Le Domaine პროდუქცია საფრანგეთში, შატო მირავალის ყურძნის გამოყენებით მზადდება. ეს ის ვენახია, რომელიც პიტმა ყოფილ მეუღლესთან ანჯელინა ჯოლისთან ერთად 2012 წელს შეიძინა. მეცნიერები, რომლებიც Pitt- თან ერთან კანის მოვლის სპექტრზე მუშაობენ ყურადღება ყურძნის ანტიოქსიდანტებზე გაამახვილეს და შეიმუშავეს „ექსკლუზიური მოლეკულა“ სახელად GSM10.
აღსანიშნავია, რომ Le Domaine გადამუშავდება მრავალჯერადი გამოყენების ბოთლის თავსახურები ძველი ღვინის კასრებიდან.
ხაზი ოთხი პროდუქტისგან შედგება, რომელიც ჩამოსხმულია ეკომეგობრულ და გადამუშავებად ქილებში. პროდუქტის ფასი 60-დან 290 ფუნტამდე მერყეობს.
თაკო კვაჭანტირაძე