საქართველოში პირველად, ფინანსურ ბაზრებზე მიმდინარე ადგილობრივ და საერთაშორისო სიახლეებს, ფინანსურ რჩევებსა და ანალიტიკას Bulls & Bears - Journal-ში გაეცნობით . ფინანსურ ბაზრების შესახებ ზოგად ტერმინოლოგიასა და მათ შორის, აკადემიურ ლიტერატურაშიც კი, არაერთი ცხოველის სახეობის სახელს შეხვდებით. ხარი (Bull) და დათვი (Bear) სხვა ცხოველებისგან განსხვავებით, ფინანსურ ბაზრებზე ყველაზე დიდი პოპულარობით სარგებლობენ. თუ ესპანეთში კორიდას არ დასწრებიხართ, სულ მცირე, ალბათ, გსმენიათ ხარისა და ადამიანის ორთაბრძოლის შესახებ. ხარის ყველაზე ძლიერი და მომაკვდინებელი დარტყმა სწორედ რქების ქვემოდან ზემოთ ამორტყმაა. ეს უძლიერესი დარტყმა ფინანსურ ბაზრებზე ფასების უეცარ ზრდასთანაა გაიგივებული. გაბრაზებული დათვი კი, ორთაბრძოლისას ორ ფეხზე დგება და ზემოდან ქვემოთ მოძრაობით უძლიერეს დარტყმას ტორის მკვეთრი მოქნევით ახორციელებს. სწორედ ეს მოძრაობაა გაიგივებული ფასების ვარდნასთან. ეს ორი ყველაზე მნიშვნელოვანი და ამასთანავე, საფონდო ბირჟებზე უმთავრესი მოძრაობა ჟურნალის მთავარ სიმბოლოდ იქცა. თუ ტერმინოლოგიას საინვესტიციო ჭრილში განვიხილავთ, შეგვიძლია ვთქვათ, რომ „ხარი“ აქციების შემძენი ადამიანია, რომელსაც სჯერა, რომ მათი ღირებულება ბაზარზე გაიზრდება. ხოლო „დათვი“ კი ის ინვესტორი იქნება, რომელიც აქციებს ყიდის, რადგან ფასების დაცემას პროგნოზირებს. საერთაშორისო ბიზნეს ჟურნალი Bulls & Bears - ტრეიდერების ჰაბი • Traders' Hub - ის ახალი პროექტია, რომელიც საქართველოში ფინანსური ბაზრების შესახებ ცნობიერების გაზრდას ემსახურება.
ჟურნალის მიზანია, ფინანსური ბაზრებით დაინტერესებული ადამიანები გაეცნონ არა წარსულის ისტორიებს, არამედ ანალიზსა და პროგნოზირებას, როგორც მიმდინარე, ასევე - მომავალი პოტენციური ცვლილების შესახებ. ჟურნალი მოიცავს შემდეგ ბაზრებს: საფონდო ბირჟა; სავალუტო ბაზარი; კრიპტო ბაზარი.
ჟურნალი მოიცავს მთავარ მიმართულებას, რითაც ფინანსური ბაზარი დომინირებს, მაგალითად, ნოემბრის თვეში გვაქვს რუბრიკა, Top სამი გამორჩეული კომპანია, რომელზეც ჩატარებულია ფუნდამენტალური და ტექნიკური ანალიზი, მკითხველი ნახავს ასევე, სავალუტო ბაზრის მიმოხილვას, გაეცნობა კრიპტობაზრის ანალიზს და მასზე ჩატარებულ კვლევებს. რუბრიკაში - IPO კომპანიების ანალიზი, კი იხილავს ინფორმაციას იმ კომპანიების შესახებ, რომლებიც უახლოეს პერიოდში ნიუ- იორკის საფონდო ბირჟაზე მოხვდებიან,- აღნიშნავს ჟურნალის დამფუძნებელი რატი ქირია.
ჟურნალი გარკვეულ როლს ითამაშებს საქართველოში არსებული სტარტაპების პოპულარიზაციაზეც. მათ შესახებ მკითხველი რუბრიკაში - ბიზნეს ისტორიები შეიტყობს.
ჩვენც სწორედ ასეთი მხარდაჭერით ვიზრდებით და მოხარული ვიქნებით, თუ ქართული სტარტაპერები დაგვიკავშირდებიან, რათა მათზე ინფორმაცია მივაწოდოთ მკითხველს. ჩვენ ვიცით, რამდენად მნიშვნელოვანია კომპანიების მხარდაჭერა საქართველოში, სადაც შეიძლება ბიზნესგარემო ნორმალურია, მაგრამ ფინანსური კუთხით ცუდ მდგომარეობაში ვართ, რადგან არ გვაქვს ფინანსური ბაზარი. ჩვენი მოტივი არის სწორედ ახალი თაობისთვის ისეთი ინფორმაციის გაზიარება, რომელიც ხელს შეუწყობს იმას, რომ ქართული ფინანსური ბაზარი ფეხზე დადგეს, რადგან ფინანსური ბაზრის არქონა მოქმედებს ეკონომიკურ მდგომარეობაზეც,- აღნიშნავს რატი ქირია.
ჟურნალი უკვე ხელმისაწვდომია უფასოდ საიტზე - BBJ.ge, ასევე, სოციალურ ქსელში. დეკემბერში კი მიზნობრივი აუდიტორია უკვე მის ბეჭდური ვერსიას იხილავს, რომელიც უფასოდ გაეგზავნებათ უნივერსიტეტებს, ასევე კომპანიებს, რომლებიც Bulls & Bears - -თან თანამშრომლობით დაინტერესდებიან.