ბუნებრივ გაზზე სამომხმარებლო ტარიფების ყველაზე დაბალი მაჩვენებელი ევროპაში რუსეთშია, შემდეგ მოდის აზერბაიჯანი და სამეულს საქართველო ასრულებს. აღსანიშნავია, რომ რუსეთიც და აზერბაიჯანიც ბუნებრივი გაზის მსხვილი მომპოვებლები არიან. საქართველოს შემდეგ გაზი ყველაზე იაფი თურქეთის მოქალაქეებისთვის ღირს. ამის შესახებ ცნობილი სემეკის მიერ გავრცელებული ანგარიშიდან ხდება.
სემეკ-ის ინფორმაციით, ხუთეულში ხვდება ასევე სომხეთიც, რომელიც მთლიანად რუსულ გაზზეა დამოკიდებული, საქართველოს ტერიტორიაზე ტრანზიტით.
საქართველოში ბუნებრივ გაზზე დაწესებული სამომხმარებლო ტარიფი 1 კუბურ მეტრზე თითქმის 25 თეთრით ჩამორჩება მეოთხე ადგილზე მყოფ თურქეთს და თითქმის 40 თეთრით სომხეთის მაჩვენებელს.
ყველაზე დაბალი სამომხმარებლო ტარიფები ქვეყნების მიხედვით ასეთია:
|
# |
ქვეყანა |
კბ/მ ფასი თეთრი |
|
1 |
აზერბაიჯანი |
28.489 |
|
2 |
რუსეთი |
31.918 |
|
3 |
საქართველო |
55.454 |
|
4 |
თურქეთი |
80.136 |
|
5 |
სომხეთი |
94.583 |
ყველაზე მაღალი სამომხმარებლო ტარიფები ქვეყნების მიხედვით შემდეგია:
|
# |
ქვეყანა |
კბ/მ ფასი თეთრი |
|
1 |
შვედეთი |
563.153 |
|
2 |
ჰოლანდია |
390.216 |
|
3 |
დანია |
378.040 |
|
4 |
პორტუგალია |
371.383 |
|
5 |
ესპანეთი |
306.093 |
თუ ელექტროენერგიის მოხმარების უდიდეს ნაწილს საქართველო საკუთარი ელექტროგენერაციის ობიექტებიდან (თბოსადგურები, ჰესები, ქარისა და მზის ელექტროსადგურები) იკმაყოფილებს, ბუნებრივი გაზის შემთხვევაში ქვეყანა თითქმის 100%–ით არის დამოკიდებული იმპორტზე (2022 წელს საქართველოში მოპოვებული გაზის მოცულობამ 13,7 მლნ კბ/მ შეადგინა, რაც მთლიანი შიდა მიწოდების მხოლოდ 0,5%–ს უდრის) და ძირითადი მომწოდებელი აზერბაიჯანია, რომელსაც „ცისფერი საწვავი“ ევროკავშირის ბაზარზეც გააქვს საქართველოსა და თურქეთის გავლით.
გაზი
