„საქსტატის“ მონაცემებით, ელექტროენერგიის მთლიანმა წარმოებამ 2023 წლის იანვარში 1,110.7 გვტ.სთ შეადგინა (დეკემბერში 1,116.3 გვტ.სთ იყო), საიდანაც თბოელექტრო-სადგურები 728.4 გვტ.სთ, ჰიდროელექტრო-სადგურები 374.3 გვტ.სთ, ხოლო ქარის ელექტრო-სადგური 8.1 გვტ.სთ შეადგინა. ელექტროენერგიის შიდა მიწოდებამ 1,282.1 გვტ.სთ შეადგინა, ხოლო იმპორტმა 767.4 გვტ.სთ, რაც შეეხება ექსპორტს 520.4 გვტ.სთ იყო.

მიმდინარე წლის იანვარში ბუნებრივი გაზის წარმოებამ 1.2 მლნ.მ3 შეადგინა (დეკემბერში 0.9 მლნ.მ3 იყო) . იმპორტი 530.2 მლნ.მ3, ხოლო შიდა მიწოდება 531.3 მლნ.მ3 გახდა.

რაც შეეხება ნავთობის და ნავთობპროდუქტების წარმოებას, ორივე მათგანი შემცირებულია. ნავთობისა და ნავთობპროდუქტების წარმოება იანვარში 1.9 ათასი ტონა იყო, რაც თითქმის 1.5-ჯერ ნაკლებია წინა თვესთან შედარებით. შიდა მიწოდებამ 103.7 ათასი ტონა შეადგინა, იმპორტმა 113.2 ათასი ტონა, ხოლო ექსპორტმა 3.3 ათასი ტონა.

ქვანახშირის წარმოებამ იანვარში 12.7 ათასი ტონა შეადგინა, რაც შემცირებული მაჩვენებელია, რადგან დეკემბერში 12.8 ათასი ტონა იყო. იმპორტმა 34.1 ათასი ტონა, ხოლო შიდა მიწოდება 28.0 ათასი ტონა შეადგინა.