თუ ბოლო წლების განმავლობაში ცემენტის მწარმოებელი კომპანია ლაფარჟი თურქუთიდან და ირანიდან დემპინგურ ფასებში შემოტანილ ცემენტს ებრძოდა, დღეს პრობლემა უფრო გაღრმავდა. ამ სამშენებლო პროდუქტის მთავარი ნედლეული — კლინკერი დეფიციტშია და მისი მთავარი მომწოდებელი ლაფარჟისთვის თურქეთი რჩება, რომელიც ამ ნედლეულს ძვირად, ხოლო თავის ნაწარმ მზა ცემენტს კვლავ დემპინგური ფასით ყიდის საქართველოში.

ლაფარჟის მარკეტინგის დირექტორი გივიკო ელოშვილი კომერსანტთან პრობლემის სიმწვავეზე საუბრობს და ამბობს, რომ წარმოება ბევრად ძვირი უჯდებათ დღეს, ვიდრე თუნდაც 1 წლის წინ, ხოლო ბაზარზე ფასის ზრდას ისევ თურქული დემპინგი აფერხებს.  

„ცემენტის ინდუსტრიაში ჩვენ დემპნგურ ფასს, განაკუთრებით თურქულს ვებრძვით, დღესდღეობით ცემენტის იმპორტი გარდა თურქეთისა ყველა მიმართულები დაკეტლია, თურქეთი აგრძელებს ბაზარზე დემპინგურ ფასებში შემოსვლას. გამომდინარე იქიდან, რომ ნედლეულზე დეფიციტია შემქნილი, ამ ეტაპზე სრული დატვირთვით ვერ ვმუშაობთ, ხოლო რა ნედლეულიც იშოვება, კერძოდ თურქეთში და ამავდროულად აზერბაიჯანში, ფასები მომატებულია. ჩვენ ნედლეული მხოლოდ თურქეთიდან შემოგვაქვს, თურქული კომპანია მე მაძლევს კლინკერს გცილებთ ძვირად, რადგან მან იცის  საქართველოში  არსებული სიტუაცია, ხოლო მას ცემენტი დემპინგურ ფასში შემოაქვს.

რაც  შეეხება კომპანიი  ბრუნვას,  ძალიან დაბალია, აღნიშნული პრობლემა წელიწადნახევარია, რაც  შექმნილია. პრობლემის გამომწვევი მიზეზი კი შემდეგია: საქართველოს ბაზარზე ცემენტზე წლიური მოთხოვნა დაახლოებით  2,5 მილიონი ტონაა, საიდანაც  ჰაიდელბერი, რომელსაც  ბაზარზე  პირველ  ადგილი უჭირავს, აკმაყოფილებს  2,2 მილიონ ტონას, ჩვენ ვარ მეორე ადგილზე  და ვაკმაყოფილებთ დაახლოებით 350 000 ტონას, დანარჩენი პატარ-პატარა  საწარმოებზე მოდის, ხოლო თურექთი ავსებს აჭარის რეგიონს.

ლოგისტიკური პრობოლემა აზერბაიჯანში  შექიმნა, რამაც  ნედლეულზე,  კლინკერზე  შექმნა დეფიციტი. გარდა ამისა, თურქეთში მოთხოვნა  გაიზარდა,  შესაბამისად ამანაც  დეფიციტი  შექმნა, რამაც  ფასების გაორმაგება გამოიწვია.  ანუ, ერთი პრობლემა არის  დეფიციტი, ხოლო მეორე – გაზრდილი ფასი და თუ მე  მიჯდებოდა ცემენტი 100 ლარი,  ახლა  მიჯდება ორასი ლარი, საბაზრო  ფასს ვერ  ვეხები,  რადგან თურქეთს ცემენტი დემპინგურ  ფასში  შემოაქვს“, -  აღნიშნა  გივიკო ელოშვილმა.

კომპანია ლეფარჟის  ჯგუფი ცემენტის და ბეტონის მწარმოებელი ორი ქარხნისგან შედგება, ცემენტის ქარხანაში დასაქმებულია 150, ხოლო  ბეტონის  ქარხნებში  60-70 ადამიანი. თუმცა, გივიკო  ელოშვილის თქმით, ამაზე მიბმულია  ლოჯისტიკური კომპანიები,  სადისტრიბუციო ქსელები, მაღაზიები და ა.შ. 

 თაკო კვაჭანტირაძე