სამშენებლო დეველოპერული კომპანია ,,გუმბათი ჰოლდინგი“ მომხმარებლებს ჭავჭავაძის გამზირზე #33-ში მდებარე გაყიდვების ახალ სივრცეში უმასპინძლებს. 

კომპანიის 8 წლიანი საქმიანობის განმავლობაში ეს პირველი სათაო ოფისისგან დამოუკიდებელი სივრცეა, სადაც პოტენციურ მობინადრეებს გაყიდვების გუნდი კომფორტულ და მყუდრო გარემოში დახვდება. ამ ეტაპზე ოფისი ,,ვაკე რეზიდენსი“-თ დაინტერესებულ მომხმარებლებს მოემსახურება. პრემიუმ კლასის მრავალფუნქციური კომპლექსის მშენებლობა მიმდინარეობს ყიფშიძის ქ.#1-ში, ჭავჭავაძის გამზირიდან სულ რაღაც 100 მეტრში. პროექტი მოიცავს 3000 კვ.მ დახურულ გამწვანებულ ეზოს, ასევე 4 000 კვ.მ სართულებშორის ღია ტერასებს, რაც პროექტს გამორჩეულს ხდის მსგავსი ტიპის მჭიდროდ დასახლებული ტერიტორიისთვის.

,,ვაკე რეზიდენსი“-ს გაყიდვების ოფისში მოსულ სტუმარს დახვდება სხვადასხვა სივრცე, როგორიცაა მომსახურების სივრცე, მინი ლობი და შეხვედრების ოთახი. თითოეულ სივრცეს თავისი დატვირთვა აქვს.  აქვე განთავსებულია ,,ვაკე რეზიდენსი“-ს მრავალფუნქციური კომპლექსის მაკეტი, რაც პროექტით დაინტერესებულ მომხმარებლებს ყიდვის პროცესს კიდევ უფრო გაუადვილებს. ინტერიერის დიზაინზე ,,გუმბათი ჰოლდინგი“-ს არქიტექტორმა და ინტერიერის დიზაინერმა თამარ ქოჩიაშვილმა იმუშავა.

,,ჩვენი მიზანია მომხმარებელმა, რომელიც ბინის ასარჩევად მოდის, თავი მაქსიმალურად კომფორტულად იგრძნოს. ბინის შესახებ გადაწყვეტილების მიღება ემოციასთან და ამასთანავე რაციონალურ გადაწყვეტილებასთან არის დაკავშირებული, შესაბამისად მნიშვნელოვანია, რომ ადამიანმა ამ დროს თავი მშვიდად იგრძნოს და ქონდეს დაფიქრების საშუალება, რაც თავისი მომავალი ბინის საუკეთესო ვერსიის არჩევის საშუალებას მისცემს“. - სოსო მაჩაიძე ,,გუმბათი ჰოლდინგი“-ს დირექტორი.

,,ჩვენთან მოსულ მომხმარებელთან ურთიერთობა არ შემოიფარგლება მხოლოდ ყიდვა-გაყიდვის პროცესით, როდესაც დაინტერესებული ადამიანი მოდის გაყიდვების სივრცეში თავდაპირველად დრო ეთმობა გაცნობით პროცესს, იმისთვის რომ დავადგინოთ მისი მოთხოვნები, გემოვნება... ეს საშუალებას გვაძლევს თავიდანვე საუკეთესო ვარიანტი შევთავაზოთ. აღნიშნული პროცესის გასავლელად აუცილებელია სტუმარს დახვდეს გარემო, სადაც სიამოვნებით გაატარებს დროს, სწორედ ამიტომ გაყიდვების სივრცეში გვაქვს ცალკე გამოყოფილი ლობი, სადაც სტუმარს შეუძლია დაისვენოს, დაათვალიეროს საინტერესო დეკორატიული ნივთები, თემატური ლიტერატურა, რაც შეიძლება იმ წუთას მისი შთაგონების წყარო გახდეს და გადაწყვეტილების მიღების პროცესი გაუმარტივოს“. ნატო ბოჭორიშვილი-,,გუმბათი ჰოლდინგი“-ს დირექტორი.

კომპანია ,,გუმბათი ჰოლდინგი“ 2014 წლიდან წარმატებით საქმიანობს საქართველოს ბაზარზე და ამ დრომდე 7 დასრულებული და ექსპლუატაციაში შეყვანილი პროექტი აქვს. ,,გუმბათი ჰოლდინგი“-ს პორტფელში შედის ,,ვერეს უბანი“ ბიზნეს ცენტრი ვერაზე, ,,ბულვარის კარიბჭე“ ბათუმში, ,,ვილა კოხტა-მიტარბი“-მიმდინარე პროექტი ბაკურიანში, ასევე, პრემიუმ კლასის პროექტი იპოდრომთან- ,,იპოდრომი რეზიდენსი“ -რომლის მშენებლობაც თითქმის დასრულებულია.

(R)