ამერიკელმა მწარმოებლებმა აღიარეს, რომ მათ არ შეუძლიათ გააკონტროლონ სანქცირებული საქონლის მიწოდება ჩინეთში.

ჩინეთი ატომურ იარაღს აშშ-გან სანქცირებული ჩიპებით ქმნის. ჩინური ინსტიტუტი, რომელიც ბირთვული იარაღის კვლევას ახორციელებს, სანქციების მიუხედავად, წლების განმავლობაში ყიდულობს ამერიკულ კომპიუტერულ ჩიპებს. ამის შესახებ Wall Street Journal-ი წერს.

გამოცემის თანახმად, ჩინეთის საინჟინრო ფიზიკის აკადემია, რომელიც ბირთვული იარაღის შემუშავებაშია ჩართულია და 1997 წლიდან სანქციების ქვეშ იმყოფება, მინიმუმ 2020 წლიდან Intel-ისა და Nvidia-სგან ნახევარგამტარულ ჩიპებს ყიდულობს.

ჩიპებს ჩინეთში შუამავლებისგან ყიდულობენ. საუბარია 7-დან 14 ნანომეტრამდე ზომის ჩიპებზე, რომლებსაც ჩინეთი დამოუკიდებლად მასობრივად ვერ აწარმოებს. თუმცა, ეს ჩიპები ფართოდ არის ხელმისაწვდომი სამომხმარებლო ბაზარზე და თავისუფლად იყიდება.

ეს შესყიდვები აშშ-ს შეზღუდვებს ეწინააღმდეგება, რაც მიზნად ისახავს იმას, რომ უცხო ძალებმა ამერიკული პროდუქტები ატომური იარაღის კვლევისთვის არ გამოიყენონ.

Nvidia-მ ჟურნალისტებს განუცხადა, რომ  საუბარია ზოგადი დანიშნულების გრაფიკულ ჩიპებზე, რომლებიც ისეთ სამომხმარებლო პროდუქტებში გამოიყენება, როგორიცაა პერსონალური კომპიუტერები. მწარმოებელი აღნიშნავს, რომ მილიონობით კომპიუტერი გაიყიდა მთელ მსოფლიოში და შეუძლებელია იმის კონტროლი, თუ ვინ არის მათი საბოლოო მყიდველი.

დასკვნები ხაზს უსვამს ბაიდენის ადმინისტრაციის წინაშე არსებულ გამოწვევას, რადგან ის ცდილობს უფრო აგრესიულად დაუპირისპირდეს ჩინეთის მიერ აშშ-ს ტექნოლოგიების გამოყენებას.