ჩინეთი, რომელიც დღემდე კრიპტოვალუტების მაინინგის კუთხით მსოფლიო ლიდერი იყო, დღეს ამ ბიზნესისთვის არასასურველი ადგილი ხდება.
არსებული ინფორმაციით, მაინინგურმა კომპანიებმა ქვეყნის დატოვებაც დაიწყეს და ამის მიზეზია მთავრობის მხრიდან კრიპტოვალუტების რეგულირების მკვეთრი გამკაცრება და კრიპტობირჟის Huobi-ს მუშაობის დროებით შეჩერება.
ეს მნიშვნელოვანი პრობლემაა მთელი დარგისთვის იმის გათვალისწინებით, რომ მსოფლიოში არსებული კრიპტოფერმების ნახევარზე მეტი სწორედ ჩინეთში მდებარეობს. ამ ფონზე რეგულატორების ყურადღების ზრდა გასაკვირი არა, მაგრამ კრიპტოინდისტრიისთის - ძალიან არარასურველია.
სავარაუდოდ, მაინერებს არა თავად რეგულაციები, არამედ გაურკვევლობის ზრდა აშინებთ - ჩინეთის მთავრობა კრიპტოინდუსტრიას აშკარად ეჭვის თვალით უყურებს, ამიტომაც არავინ იცის, რა იქნება შემდეგი ნაბიჯი. ამ ვითარებაში მაინერებისთვის ყველაზე ლოგიკური ნაბიჯი სხვა, მათ მიმართ უფრო მეგობრულად განწყობილ ქვეყნებში გადაბარგებაა.
ეს პროცესი ჯერ კიდევ რეგულირების გამკაცრებამდე დაიწყო - პირველად მაინერენბი მიგრაციაზე მაშინ დაფიქრდნენ, როდესაც ჩინეთის ერთ-ერთ პროვინციაში - შიდა მონღოლეთში - მაინინგი საერთოდ აიკრძალა. ეს დიდი ცვლილებების დაწყების სიგნალი იყო - ჩინეთში პროვინციებს ასეთი საკითხების დამოუკიდებლად, პეკინის თანხმობის გარეშე გადაწყვეტის შესაძლებლობა ნაკლებად აქვთ.
ვინაიდან საუბარია ასობით მილიონი დოლარის ღირებულების ბიზნესზე, გასაკვირი არაა, რომ ზედმეტ რისკზე წასვლა არავის სურს - ამიტომაც კრიპტოინდუსტრიის მიგრაცია ჩინეთიდან მომავალშიც გაგრძელდება.
მაინერები თავისი საქმიანობისთვის უფრო მეგობრულად განწყობილ ქვეყნებს ეძებენ. ვარიანტებს შორისაა რუსეთი და ყაზახეთი, სადაც ელექტროენერგია შედარებით იაფია.
გლობალურ მაინინგში ჩინეთის წილის შემცირების ტრენდი ბოლო წლების მანძილზე აშკარაა და ბაზარზე სულ უფრო მეტი კომპანიაა, რომელსაც მუშაობა დემოკრატიულ და უფრო პროგნოზირებად ქვეყნებში ურჩევნიათ - მაგალითად, შტატებში, სადაც იაფი ელექტროენერგიის წილი იზრდება, ხოლო თამაშის წესები ბევრად უფრო თავისუფალი და გამჭირვალეა.
ჩინეთში მიმდინარე მოვლენების გამო, შესაძლოა კრიპტოვალუტების მაინინგი შემცირდეს, თუმცა, მხოლოდ დროებით - ახალ-ახალი ფერმები თითქმის ყოველდღე იხსნება.
არსებული ინფორმაციით, მხოლოდ 2021 წლის განვლილ პერიოდში შეძენილ იქნა 1 მლრდ. დოლარი კრიპტოვალუტების წარმოებისთვის საჭირო აღჭურვილობა- მთელი ეს მოწყობილობა ნელა-ნელა მწყობრში შედის და სულ უფრო მეტ კრიპტოვალუტას მოიპოვებს.
ჩინეთიდან ფერმების მიგრაცია სამაინინგო სიმძლავრეების განაწილებას მსოფლიოში მეტად დააბალანსებს, რაც ინდუსტრიისთვის გარკვეულწილად სასარგებლოც იქნება.
ჩინეთში კრიპტოვალუტებისადმი დამოკიდებულების გამკაცრების ფონზე ბიტკონინის ფასი 31 000 დოლარამდე შემცირდა, თუმცა, შემდეგ ზრდა განაახლა, და დღეს მისი კურსი 38 400 დოლარია.
RBC.RU
თენგიზ აბლოთია