ჩინეთიდან გერმანიაში მატარებელი რუსეთის გვერდის ავლით, გერმანიის ქალაქ მანჰეიმში ჩავა, ამის შესახებ ჩინეთის სახელმწიფო მედია Xinhua-ს წერს.
იუწყებიან, რომ მარშრუტი გადის ყაზახეთის, აზერბაიჯანის, რუმინეთის, უნგრეთის, სლოვაკეთისა და ჩეხეთის ტერიტორიებზე. პუბლიკაციაში საქართველო ნახსენები არ არის, თუმცა ჩინური კომპანიები ქართული სარკინიგზო ინფრასტრუქტურით სარგებლობენ.
Xinhua წერს, რომ მარშრუტი კასპიისა და შავ ზღვებს გადაკვეთს კომბინირებული სარკინიგზო და საზღვაო ტრანსპორტის დახმარებით. სასპორტო საქონლით დატვირთულმა პირველმა შემადგენლობამ ქალაქი სიანი 13 აპრილს დატოვა.
სტატიაში ნათქვამია, რომ ახალი მარშრუტი იმ ქვეყნებსა და რეგიონებს გაივლის, რომლებითაც მანამდე იშვიათად სარგებლობდა ჩინეთის სარკინიგზო შემადგენლობა. საერთაშორისო ლოგისტიკური კომპანიის, „სიანი“, წარმომადგენლობაში მიიჩნევენ, რომ ამგვარი გადაზიდვების ეფექტურობა გაიზრდება, ხარჯები კი შემცირდება. ასეთი მარშრუტი "წარმოადგენს ახალ შესაძლებლობას ჩვენი კომპანიისთვის ექსპორტის სტაბილიზაციისთვის“, - განმარტავს კომპანიის მენეჯერი.
მანამდე საქართველოში, ბაქო-თბილისი-ყარსის რკინიგზის გავლით, ჩინეთიდან სატვირთო გადაზიდვის დაწყების შესახებ განაცხადეს.
უკრაინაში რუსეთის სამხედრო შეჭრისა და ომის დაწყების შემდეგ, ათობით ქვეყანამ სანქციები დაუწესა ცალკეულ რუსულ კომპანიებსა და რუსეთის მოქალაქეებს (ძირითადად პოლიტიკოსები და მსხვილი ბიზნესის მფლობელები, რომლებიც დაახლოებულნი არიან პრეზიდენტ პუტინთან). უცხოური კომპანიები მასობრივად ტოვებენ რუსეთს, აჩერებენ საქონლის მიწოდებას, ხურავენ საწარმოებს რუსეთში ან სამართავად გადასცემენ ადგილობრივ მენეჯმენტს. ამ დროისთვის 750-ზე მეტმა უცხოურმა კომპანიამ რუსეთის ბაზარზე მუშაობა შეაჩერა ან სრულად შეწყვეტა. მათ შორისაა ჩინეთის სახელმწიფო ნავთობისა და გაზის კომპანია Sinopec -ი, რომელმაც შეაჩერა საინვესტიციო საქმიანობა რუსეთში, აშშ-ის მეორადი სანქციების ქვეშ მოქცევის შიშით.
წყარო: www.radiotavisupleba.ge