ჩინეთის საფონდო ბირჟების ინდექსი 14 მარტს 7-12 პროცენტით დაეცა, რაც 2008 წლის კრიზისის შემდეგ ყველაზე მასშტაბური დღიური ვარდნაა. ინვესტორები შიშობენ, რომ რუსეთთან არსებულმა ურთიერთობებმა შესაძლოა უარყოფითი გავლენა ჩინეთზეც იქონიოს. ინფორმაციას ამის შესახებ RB.RU ავრცელებს. 

Hang Seng Tech-ის ინდექსი სადაც ჩინეთის 30 TOP ტექნოლოგიური კომპანია იყრის თავს 11%-ით დაეცა, ჰონგ-კონგის ბირჟის მთლიანად 12%-ით. Hang Seng China Enterprises 7.7%-ით და Golden Dragon 6.2%-ით.

Bloomberg-ის ექსპერტების შეფასებით ინდექსების ვარდნა ინვესტორების ქცევას უკავშირდება, რომლებიც შიშობენ, რომ სანქციები შესაძლოა ჩინეთზეც გავრცელდეს. მათი სიფრთხილე უსაფუძვლო არ არის, აშშ-ის ვაჭრობის დეპარტამენტის მდივანმა ჯინა რაიმონდიმ The New York Time-სთან ინტერვიუში განაცხადა, რომ ვაშინგტონმა შესაძლოა ჩინურ კომპნაიებთან თანამშრომლობა შეწყვიტონ.

რუსეთის უკრაინაში შეჭრამდე მედიით გავრცელდა ინფორმაცია, რომლის თანახმადაც ჩინეთის პრეზიდენტმა სი ძინ პინმა თავის რუს კოლეგას ინტერვენციის 21 თებერვლამდე გადადება სთხოვა, რადგან 4-დან 20 თებერვლის ჩათვლით პეკინში ზამთრის ოლიმპიური თამაშები მიმდინარეობდა, რის გამოც სი ძინ პინს სურდა, რომ მსოფლიო ყურადღების ცენტრში პეკინი დარჩენილიყო.

პუტინმა დონეცკისა და ლუგანსკის თვითგამოცხადებული სახალხო რესპუბლიკების ე.წ. დამოუკიდებლობა 21 თებერვალს აღიარა, 24 თებერვალს კი მთელს უკრაინას დაესხა თავს. ჩინეთმა ფრთხილი პოზიციების დაჭერა ამჯობინა და ოფიციალური ლექსიკონიდან სიტყვა „შეჭრა“ ამოიღო, გაეროს საგანგებო სხდომაზე კი რუსეთის აგრესიის შეფასებისგან თავი შეიკავა არც დაუგმია და არც გაუმართლებია. იგივე ჩინეთი ოფიციალურად სანქციებს არ შეერთებია, მაგრამ რუსული ნავთობის შესყიდვა მაინც შემაცირა. 13 მარტს გავრცელდა, ცნობა, რომლის მიხედვითაც მოსკოვმა პეკის სამხედრო დახმარება სთხოვა, 14 მარტს აღნიშნული ინფორმაცია ორივე მხარემ უარყო.

ჩინეთი პლანეტის #2 ეკონომიკაა, (10-ჯერ დიდი ვიდრე რუსეთი) და სავარაუდოდ 2030 წლისთვის პირველ ადგილზე გადაინაცვლებს.