ჩინეთი რთული ამოცანის წინაშე დგას, Covid Zero-ზე უეცარი უარის თქმის შემდეგ, მოსალოდნელია, რომ ინფექციები გაიზრდება და სიკვდილიანობა 2 მილიონზე მეტი იქნება - ამის შესახებ ინფორმაციას Bloomberg ავრცელებს.

შეერთებულ შტატებსა და ევროპაში თვეების და წლების განმავლობაში მიმდინარე ეპიდემიისგან  განსხვავებით, ჩინეთში ინფექციების ტალღა  სავარაუდოდ ერთბაშად მოიცვას ქვეყანას, განსაკუთრებით იმ პოპულაციას, რომელიც აქამდე კონტაქტებისგან თავს  იკავებდა.

მეცნიერებისა და ეკონომიკის ექსპერტები მოახლოებულ ქაოსზე საუბრობენ და აცხადებენ, რომ ინფექციების  ზრდა ქარხნების პარალიზებას გამოიწვევს და სერიოზული დაავადებების მქონე პაციენტებით საავადმყოფოები გადაიტვირთება, რაც მოსახლეობას კვლავ გამოკეტვისკენ უბიძგებს.

ლონდონში დაფუძნებული კვლევითი ფირმა Airfinity-ის შეფასებით, ჰონგ-კონგის ადრინდელი გამოცდილებიდან გამომდინარე, შესაძლოა, 1.3-დან 2.1 მილიონამდე ადამიანი დაიღუპოს.

ჯანმრთელობის შეფასების ინსტიტუტის პროფესორის და მოსახლეობის ჯანმრთელობის სტრატეგიის მთავარი ოფიცრის ალი მოქდადის თქმით, ეს მოხდება მთელი ქვეყნის მასშტაბით, თუმცა პროცესი ჯერ დიდ ქალაქებში დაიწყება და შემდეგ სოფლებში გადაინაცვლებს.

„ერთ თვეში შემთხვევების დიდ რაოდენობას მივიღებთ, ხოლო ორი კვირის შემდეგ  სიკვდილიანობა დაიწყება“, - აცხადებს ალი მოქდადი,

გამოწვევები ძალიან მძიმე იქნება, მოხუცთა თავშესაფრებს გადარჩენისთვის მოუწევთ ბრძოლა, სკოლები დიდი ხნის განმავლობაში დაიხურება და ბიზნესს საკმარისი მუშაკები აღარ ეყოლებათ, რადგან დაავადებები გავრცელდება.

ინვესტორები საკითხს უფრო  ოპტიმისტურად უყურებენ, მათი ვარაუდით შეჩერებული მოთხოვნის გათავისუფლება სამომხმარებლო ხარჯებს შეუწყობს ხელს და  ეკონომიკა  აღდგენას  დაიწყებს.

Hang Seng China Enterprises საფონდო ინდექსი ჰონგ კონგში, ნოემბერში 29%-ით გაიზარდა, რაც 2003 წლის შემდეგ საუკეთესო მაჩვენებელია.

გარდა ახალი ინფექციებისა, ქვეყანას ასევე ემუქრება ომიკრონის შტამი, რომელიც წინა  ფორმებთან შედარებით გაცილებით  მსუბუქია.  Barclays-ის ეკონომისტების ანალიზი აჩვენებს, რომ ჩინეთის სიკვდილიანობის მაჩვენებელი ომიკრონის ტალღიდან არავაქცინირებულთა შორის 0,4% იქნება.  სრულად ვაქცინირებული ადამიანებისთვის ეს შეიძლება იყოს 10000-დან ორი, ანუ 0.02%.

თაკო კვაჭანტირაძე