ხელმისაწვდომი ფასებით გამორჩეული ჩინური ბრენდი მინისო, რომელმაც საცალო ვაჭრობის სექტორში იაპონური ბრენდის სახელით მსოფლიო დაიპყრო ბოდიშს იხდის - ამის შესახებ ინფორმაციას ViceNews  ავრცელებს. მინისო მსოფლიოს სხვადასხვა ქვეყანაში დაწყებული ჩრდილოეთ კორეის დედაქალაქიდან,  ნიუ-იორკში, ბროდვეის გამზირამდე 5100 ზე მეტი მაღაზიით არის წარმოდგენილი.

კომპანიამ თავხედურად დააკოპირა ყოველდღიური ტანსაცმლის ქსელის Uniqlo-ს ესთეტიკა, ასევე მინისოს პროდუქციაში შევხვდებით ჭურჭლის ბრენდის Muji-ს დიზაინერული საქონლის უფრო იაფი ვერსიებს. მინისოს ლოგოში  კი გამოსახულია იაპონური კატაკანას სიმბოლოები, რომლებიც გამოითქმის როგორც Meisou.

გასულ კვირას კომპანიის წარმომადგენლობამ განაცხადა, რომ მინისო არის „ამაყი ჩინური ბრენდი“, რადგან მან იაპონურ ბრენდად თავის მოჩვენებისთვის ბოდიში მოიხადა .

კომპანიამ ეს განცხადება მას შემდეგ გააკეთა, რაც ჩინეთში პოლიტიკური მიზეზების გამო, მომხმარებლებს შორის იაპონიისა და იაპონური ნაწარმის საწინააღმდეგო სენტიმენტები გაძლიერდა. ნიუ-იორკში შესული კომპანიის მარკეტინგული სტრატეგია მოექცა ყურადღების ცენტრში და გამოიწვია პროტესტი, რადგან ტოკიოსთან პოლიტიკურმა დაძაბულობამ ჩინეთში ანტიიაპონური განწყობები გამოიწვია.

ჩინურ სოციალურ მედია პლატფორმაზე Weibo-ზე გამოქვეყნებულ განცხადებაში, Miniso-მ თქვა, რომ მას ღრმად რცხვენია თავისი განვითარების ადრეულ ეტაპზე „იაპონური დიზაინერული ბრენდის“ სახელის გამო და კომპანიის წარმომადგენლები აცხადებენ, რომ ეს კომპანიის განვითარების საწყის ეტაპზე „არასწორი მიმართულება იყო“.

 კომპანიამ, რომელიც დაფუძნებულია სამხრეთ ჩინეთის ქალაქ გუანდონგში, განაცხადა, რომ 2019 წლიდან მან დაიწყო „დეიაპონიზაცია“და ამოიღებს ნებისმიერ ელემენტს, რომელიც მიუთითებს იაპონიაზე და დადო პირობა, რომ „სწორი ჩინური კულტურისა და ღირებულებების ექსპორტზე იქნება“ ორიენტირებული.

მიუხედავად იმისა, რომ Miniso-მ თავისი პირველი მაღაზია გუანჯოუში 2013 წელს გახსნა, მისი პროდუქციის უმეტესობა იწარმოება ჩინეთში, კომპანია პირველი რამდენიმე წელი ამტკიცებდა, რომ ეს იყო იაპონური ბრენდი და თანადამფუძნებლად  ასახელებდა იაპონელი დიზაინერს Miyake Junya-ს.

კომპანიის წინააღმდეგ მსოფლიოს არაერთ ქვეყანაში 40-ზე მეტ საქმეზე 68 სასამართლო ინტელექტუალური საკუთრების ხელყოფასთან დაკავშირებით მიმდინარეობს.

 აღსანიშნავია, რომ Miniso-ს საქართველოშიც აქვს მაღაზიათა ქსელი.

თაკო კვაჭანტირაძე