ტვირთის ქურდობის პრევენციის, ნარკოტიკების საწინააღმდეგო გადაწყვეტილებების, ადამიანებით ვაჭრობასთან ბრძოლისა და დანაკარგების შემცირების გადაწყვეტილებებისთვის, რკინიგზა სულ უფრო ხშირად იყენებს ჭკვიან (სმარტ) კონტეინერებს. აღნიშნულის შესახებ ინფორმაცია პორტალზე RailFreight გამოქვეყნდა.
კონტეინერების ტრეკერებს შეუძლიათ გაზარდონ საერთაშორისო ლოგისტიკის უსაფრთხოება და თავიდან აიცილონ ქურდობა რამდენიმე გზით. ქურდობის გარდა, ტრეკერებს შეუძლიათ დახმარება გასწიონ სხვა მნიშვნელოვან საკითხებში, როგორიცაა ნარკოტიკების კონტრაბანდა, ადამიანებით ვაჭრობა და სანქციების წესების დაცვა.
„ამჟამად საქონლის საბაჟო შემოწმების მხოლოდ 2%-იანი შანსია და ნარკორეალიზატორები კონტეინერებით ნარკოტიკების უსაფრთხოდ გადატანას ახერხებენ. თუმცა, ჭკვიანი კონტეინერების უპირატესობა ის არის, რომ მათ შეუძლიათ თვალყური ადევნონ კარის გაღებას რეალურ დროში და საბაჟოებს ასევე შეუძლიათ შერჩევითი შემოწმების ჩატარება უფრო მიზანმიმართულად“, - აცხადებს Traxens-ის მარკეტინგის დირექტორი სედრიკ როზემონტი.
„გარდა ფოტომგრძნობიარე ზონდებისა, თანამედროვე ტექნოლოგიას ასევე შეუძლია უზრუნველყოს ნახშირორჟანგის გამოვლენა. კონტეინერში ნახშირორჟანგის კონცენტრაციის გამოვლენით, ტრეკერს შეუძლია პირდაპირ გააფრთხილოს ლოგისტიკის ოპერატორი ან საბაჟო, რომ შეამოწმოს აქტივობა ამა თუ იმ კონტეინერში. ამან შეიძლება შეაჩეროს კონტეინერების გადაზიდვა სადგურიდან და გადაარჩინოს სიცოცხლე“, - ამბობს ფილიპ სპოგლერი.
მან ასევე თქვა, რომ ჭკვიანი კონტეინერების გამოყენებამ ტერმინალის მუშაობის ან ტრანზიტის დროს შესაძლოა დანაკარგები 20-25%-ით შეამციროს.
„როდესაც კონტეინერი ექვემდებარება ანომალიურ ზემოქმედებას, როგორიცაა დაცემა ან გადატრიალება, ჭკვიანი ტრეკერით აღჭურვილ კონტეინერს შეუძლია რეალურ დროში ზემოქმედების მონაცემების გადაცემა. თუ ანომალიური მონაცემები რეგულარულად გამოჩნდება, ოპერატორს შეუძლია ჩაატაროს მიზანმიმართული კვლევა, რათა დაადგინოს, თუ რომელი ტერმინალი ახორციელებს მიუღებელ ოპერაციებს, შეცვალოს ექსპლუატაციის სტრატეგია და გააუმჯობესოს ტრანსპორტირების პროცესი დანაკარგების შესამცირებლად“, - ამბობს ფილიპ სპოგლერი.
მისი თქმით, კონტეინერის რეალურ დროში გამოვლენისა და დიდი მონაცემების ანალიტიკის საშუალებით, მას შეუძლია ეფექტურად დაასკვნას, მოხდა თუ არა საქონლის არასწორად დამუშავება კონკრეტულ სადგურზე ან კვანძში. ამრიგად, უფრო ადვილია იმის დადგენა, მაგალითად, იყო თუ არა სანქცირებული საქონელი ჩატვირთული კონტეინერში. მაგრამ ჯერჯერობით ამ იდეის პრაქტიკაში დამადასტურებელი კონკრეტული შემთხვევა არ არსებობს.
თუმცა, DB Schenker-ის Malena Pieras Pere-ის თანახმად, ერთ-ერთი ყველაზე გავრცელებული პრობლემაა კონტეინერებში ჭკვიანი ტრეკერების შეზღუდული გამოყენება და ამაში მნიშვნელოვანი ფაქტორი მისი ფასებია. უფრო ხელმისაწვდომ ჭკვიან ტრეკერებზე წვდომა მრავალი ლოგისტიკური ოპერატორისთვის მნიშვნელოვანი გამოწვევაა.