სექტემბრის სტატისტიკური მონაცემებით საქართველოში 11,5% - იანი ინფლაცია დაფიქსირდა, მეორეს მხრივ ქვეყანაში ორნიშნა ეკონომიკური ზრდა იყო. რამდენად საკმარისია მთავრობისა და ეროვნული ბანკის ძალისხმევა ინფლაციის შესაჩერებლად, ამ და სხვა თემებზე, რადიო „კომერსანტის“ გადაცემაში „კომერსანტის დილა“კავკასიის ეკონომიკური სკოლის დეკანმა სოსო ბერიკაშვილმა ისაუბრა.
4 ოქტომბერს პრემიერმა ღარიბაშვილმა აღნიშნა, რომ ინფლაცია მთელი მსოფლიოსთვის გამოწვევაა . თუ რასთან გვაქვს საქმე და რამდენად პასუხობს ის გადაწყვეტილებები , რასაც მთავრობა და ეროვნული ბანკი იღებს , ამ და სხვა თემებზე, რადიო „კომერსანტის“ გადაცემაში „კომერსანტის დილა“კავკასიის ეკონომიკური სკოლის დეკანმა სოსო ბერიკაშვილმა ისაუბრა.
მისი თქმით პრემიერის განცხადება, რომ ინფლაცია მთელი მსოფლიოს გამოწვევაა გასაგებია, თუმცა საქართველოს შემთხვევაში ის სასიცოცხლოდ მნიშვნელოვან პროდუქტებს ეხება.
"საქსტატის მონაცემებით, სწრაფად იზრდება ფასები კვების პროდუქტებზე, მაგალითად 11% - იან ინფლაციაში, 33% არის პურზე და სურსათ პროდუქტებზე, რაც შეეხება რძეს ყველს და კვერცხს აქ 23% იანი ზრდაა. ეს არის პირველადი პროდუქტები, რომელიც ყველაზე მეტად დაბალშემოსავლიან მოსახლეობას ურტყამს, იმიტომ რომ ისინი, ვეღარ ყიდულობენ, კვერცხს პურს და უწევთ საკვების შემცირება. რაც ძალიან განსხვავებულია სხვა ქვეყნებისგან, მათთან გაზრდილი ინფლაცია შესაძლოა მხოლოდ იმაში გამოიხატოს, რომ დასასვენებლად ერთი კვირით ნაკლები დრო გაატარონ, ჩვენ შემთხვევაში კი ეს ინფლაცია სასიცოცხლოდ მნიშვნელოვან პროდუქტებზე აისახება." — განაცხადა სოსო ბერიკაშვილმა
ბერიკაშვილის თქმით მოლოდინი იმისა, რომ ინფლაცია უფრო შენელდება არსებობს, თუმცა ეს არ გულისხმობს ფასების შემცირებას. მისივე თქმით ეროვნული ბანკიც აღიარებს, რომ რუსების შემოდინება არ იქნება მუდმივი ეკონომიკური ფაქტორის მატარებელი და შესაძლოა დროებითი შედეგის მომტანი იყოს. რაც შეეხება ფასების გაორმაგებას ქირაზე, ბერიკაშვილი ვარაუდობს, რომ ფასების ზრდა აღარ გაგრძელდება.
"რაც შეეხება ეკონომიკურ ზრდას, საქართველოს პატარა ქვეყანაა და პატარა ცვლილებაც დიდ გავლენას ახდეს, შარშან გვქონდა პოსტ პანდემიურ სიტუაციაში დიდი მაჩვენებელი, განსაკუთრებით ეს ეხება საგარეო ვაჭრობას, , წელსაც ამის შემადგენელი ნაწილი არის ეს ფულადი შემოდიენენბი და რუსების პირველი ნაკადის შემოსვლა, რომლებიც საკმაოდ დიდი კაპიტალით შემოვიდნენ. ეს ყველაფერი კი მოსახლეობაზე არ აისახება და პირიქით დამაზიანებელი ეფექტიც აქვს. რადგან გაძვირდა ბინები, რესტორნები და პროდუქტი“,- აღნიშნა სოსო ბერიკაშვილმა.
კავკასიის ეკონომიკური სკოლის დეკანმა ისაუბრა ნავთობის ფასებზეც: „ნავთობზე ფასების ზრდა ყველაფერზე ფასის ზრდას ნიშნავს, რადგან ძალიან ბევრ თვითღირებულების პროდუქტში, შედის ტრანსპორტირების, ანუ ნავთობის და ბენზინის ხარჯი, თუმცა ამ მიმართულებით ოდნავ სასიკეთო ტენდენციას ვხედავთ, რომ თუნდაც იგივე ნავთობზე, ფასები შემცირებულია, თუმცა ომამდე ნიშნულს არ დაბრუნებია. ამიტომ შემდეგი თვეებიდან ჩვენ ინფლაციის შემცირებას ველით.