„გლდანი მოლის“ მარკეტინგის ხელმძღვანელმა პაატა მალაზონიამ კომპანიის 2022 წელი „კომერსანტის“ ეთერში შეაფასა. მისი თქმით, გლდანი მოლი პანდემიამდელ ნიშნულს დაუბრუნდა.

„პოსტპანდემიური სიტუაციიდან გამომდინარე შეგვიძლია ვთქვათ, რომ კარგად გავართვით თავი. მოგეხსენებათ, „გლდანი მოლი“ არის ერთ-ერთი ყველაზე დიდი მოლი საქართველოში და 100%-ით არის დატვირთული მოიჯარეებით, სხვადასხვა მიმართულებებით. იმასაც აღვნიშნავ, რომ ჩვენ უკვე დავუბრუნდით პანდემიამდელ ნიშნულს, რა თქმა უნდა, ჩვენი გუნდური მუშაობით. მომხმარებლის აქტივობა ძალიან მაღალი იყო. ეს აისახა როგორც „გლდანი მოლის“, ასევე ჩვენი მოიჯარეების მუშაობაზეც.“ - აღნიშნა პაატა მალაზონიამ.

პაატა მალაზონიამ ასევე ხაზი გაუსვა იმასაც, რომ „გლდანი მოლის“ ტერიტორიაზე არსებობს ბავშვთა გასართობი ცენტრები, რაც მომხმარებელთა აქტივობას კიდევ უფრო უწყობს ხელს. მისი თქმით, კომპანია მორგებულია მომხმარებელთა მოთხოვნებს და ხშირად არის ფასდაკლებების აქციებიც.

სამომავლო გეგმებზე საუბრისას პაატა მალაზონიამ აღნიშნა, რომ იგეგმება არა მხოლოდ ინფრასტრუქტურული სიახლეები მოლის ტერიტორიაზე, არამედ ბრენდების გამრავალფეროვნების მხრივაც.

„გვინდა გავაკეთოთ ცნობილი ბრენდების აუთლეტები და ამაზე ვმუშაობთ. გვინდა გავაკეთოთ აუთლეტ-ცენტრი ერთ-ერთ სართულზე, რომელშიც იქნება ძალიან ცნობილი ბრენდები,“ - განაცხადა პაატა მალაზონიამ.