ჩვენი სამიზნე სექტორი არის ნებისმერი პირი, ვისაც აქვს ინოვაციური იდეა, იქნება ეს აგროტირიზმის თუ აგროტექნოლოგიების მიმართულებით, - ამის შესახებ გადაცემა „აგროსექტორში“ Future Agro Challenge-ს ორგანიზატორი „სტარტაპ ბიუროს“ პროექტების მენეჯერმა ნია რესულიძემ განაცხადა. მისი თქმით, ვისაც სოფლის მეურნეობის სფეროში აქვს ინოვაციური იდეა აღნიშნულ ღონისძიებაში მონაწილეობის მიღება შეუძლია.
„Future Agro Challenge ყველაზე მასშტაბური გლობალური ინიციატივაა, რომლის მიზანიც სტარტაპების აღმოჩენა და მხარდაჭერაა ისეთ სფეროებში, როგორებიცაა: სოფლის მეურნეობა, საკვები და აგროტურიზმი.
პარასკევს გვეყოლება 12 მონაწილე, რომლიდანაც შეირჩევა გამარჯვებულები. ძირითადად არის აპლიკაციები უფრო ტექნოლოგიური მიმართულებით, რომელიც სოფლის მეურნეობის განვითარებას შეუწყობს ხელს. ასევე გვაქვს ჰარკტექ სტარტაპები, რომლებიც ამ მიმართულებით მუშაობენ “, - აცხადებს ნია რესულიძე.
წელს, Future Agro Challenge Georgia-ს ფარგლებში, სტარტაპ ბიურომ, USAID-ის სოფლის მეურნეობის პროგრამის მხარდჭერით, სამი ბუტკემპი (ინტენსიური ბანაკი) და აქსელერაციის ორთვიანი პროგრამა განახორციელა.
23 დეკემბერს, პარასკევს, 17:00 საათზე, ფაბრიკის Jungle Room-ში პროგრამის დემო დღე გაიმართება.
ღონისძიება ორგანიზებულია სტარტაპ ბიუროს მიერ, Agro Solutions-თან პარტნიორობითა და USAID-ის სოფლის მეურნეობის პროგრამის, საქართველოს ინოვაციებისა და ტექნოლოგიების სააგენტოს (GITA), სოფლის განვითარების სააგენტოს (RDA), თბილისის მერიისა და საქართველოს ფერმერთა ასოციაციის მხარდაჭერით.