„ავერსის“ სააფთიაქო ქსელის დირექტორმა კომპანიის 2022 წელი კომერსანტის ეთერში შეაფასა. ეკა ბურძენიძის თქმით, კომპანიისთვის 2022 წელის ძალიან წარმატებული იყო, როგორც ახალი მომხმარებლების, ასევე ახალი ფილიალების მხრივ. ეკა ბურძენიძემ ხაზი გაუსვა იმას, რომ „ავერსმა“ აფთიაქი გახსნა სოფელ ტყვიავში, რამაც საზღვრისპირა მოსახლეობისთვის მედიკამენტების ხელმისაწვდომობა გაზარდა:

„ჩვენი კომპანიისთვის 2022 წელი ძალიან წარმატებული იყო. ძალიან ბევრი ახალი მომხმარებელი შევიძინეთ. თითოეულ მომხმარებელს მინდა მადლობა გადავუხადო ერთგულებისა და ნდობისთვის. 2022 წელში „ავერსმა“ გააფართოვა ქსელი და 40 ახალი აფთიაქი გავხსენით, მათ შორის ისეთ რეგიონებში, სადაც დღემდე არ ვიყავით წარმოდგენილი. ჩვენთვის საამაყოა, რომ გავხსენით აფთიაქი სოფელ ტყვიავში და საზღვრისპირა მოსახლეობას ექნება საშუალება, რომ ჩვენთან არსებული სრული ასორტიმენტი, ყველაზე დაბალი ფასებით მიიღოს და ისარგებლოს ყველა ჩვენი სერვისით.

ყველა მომხმარებელს ექნება საშუალება, რომ საქართველოს ნებისმიერ წერტილში მიიღოს ხარისხიანი მედიკამენტები მაქსიმალურად დაბალ ფასებში,“ - განაცხადა ეკა ბურძენიძემ.

რაც შეეხება სამომავლო პროგნოზს მედიკამენტების ფასებთან დაკავშირებით, ეკა ბურძენიძემ განაცხადა, რომ ფასების მომატება არ იგეგმება.

„ფასების მომატება არ იგეგმება, ჩვენ დამოკიდებული ვართ მომწოდებელზე და მაქსიმუმს გავაკეთებთ იმისთვის, რომ არსებული ფასები შევინარჩუნოთ და მეტიც, მოვახერხოთ რომ შევამციროთ,“ - აღნიშნა ბურძენიძემ.

„ავერსის“ დირექტორის თქმით, სააფთიაქო ქსელმა ტრადიცია არც წელს დაარღვია და მომხმარებელს სთავაზობს მნიშვნელოვან საახალწლო ფასდაკლებებს.