ცირკი ისევ ზარალზეა. სს ცირკი, რომლის საქმიანობას წარმოადგენს საშემსრულებლო ხელოვნება და საკუთარი უძრავი ქონების გაქირავება, 2021 წლის ფინანსური ანგარიშგებების მიხედვით 215 469 ლარის ზარალზეა. 2020  წლის მაშვენებლების მიხედვით კი ცირკის ზარალი 282 689 ლარი იყო.

გასული წლის მონაცემების მიხედვით, ცირკმა შემოსავალი მხოლოდ შენობის იჯარიდან მიღო და ის 125251 ლარს შეადგენდა, ხოლო საერთო ხარჯმა 340720 ლარი შეადგინა, სადაც ყველაზე მეტი ხელფასებზე (165944 ლარი), ცვეთაზე (74690 ლარი) და კომუნალურ გადასახადებზე (48528 ლარი) დაიხარჯა.

ცირკის აქტივები 2021 წელს 1329791 ლარი იყო, ხოლო 2020 წელს 1413521 ლარს შეადგენდა. რაც შეეხება კაპიტალს, ის 2021 წელს 1420000 ლარს, ხოლო 2020 წელს 1420000 ლარს შეადგენდა.

ს.ს „ცირკს“ ჰყავს 68 აქციონერი, მათ შორის „რივერ საუთ ლიმიტედი“ 74,96 %-ს, პატარკაციშვილი-ჟმოტოვა ლიანა 6,95 %-ს, პატარკაციშვილი ია 6.95 %-ს, პატარკაციშვილი ნათელა 6.95 %-ს, ჟმოტოვი ა. 2.45 %-ს, დანარჩენი 60 აქციონერი კი 1.73 %-ს ფლობს.

აღსანიშნავია, რომ პატარკაციშვილების ოჯახი თბილისის ცირკის შენობას ყიდის, თუმცა მყიდველი ობიექტს არ გამოუჩნდა. ისტორიული ობიექტი მრავალფუნქციური განვითარების პოტენციალით გასაყიდად 2017 წლის ოქტომბერში გამოიტანეს. ნეოკლასიკური, მრგვალი ფორმის 5 სართულიანი ნაგებობა, რომლის საერთო ფართი 4,750 კვ.მეტრია, პატარკაციშვილების ოჯახს ეკუთვნის, როგორც ცნობილია ცირკის სტატუსის შეცვლა არ შეიძლება, რაც აბრკოლებს პოტენციურ მყიდველს დაინტერესებისგან.

ნინო თამაზაშვილი