გადაცემა „კომერსანტის დილი“-ს ეთერში CITROEN SAKARTVELO-ს მმართველმა პარტნიორმა ილია თაბორიძემ ისაუბრა. 

მისი თქმით, CITROEN SAKARTVELO 2018 წლიდან  სიტროენის ოფიციალური წარმომადგენელია  საქართელოში და გაყიდვების ზოგადი დინამიკა მზარდია. 

“2018 წლის მეორე ნახევრიდან ჩვენ, CITROEN SAKARTVELO, ფრანგული მრავალსაუკუნოვანი ბრენდის CITROEN -ის ექსკლუზიური  წარმომადგენელი გავხდით საქართველოში. იქიდან  გამომდინარე, რომ  CITROEN-ი ძალიან ეფექტური და თანამედროვე  ფრანგული ელეგანტურობით გამოირჩევა, ინტერესი ბრენდის მიმართ თავიდანვე მზარდი ტენდენციებით ხასიათდებოდა, რაც დინამიკაშიც აისახა. 

რაც შეეხება 2022 წელს, ბუნებრივია, მსოფლიოში მიმიდინარე მოვლენები ბიზნესზეც დიდ გავლენას ახდენს. მმართველი პარტნიორის თქმით, CITROEN -ისთვის უკრაინა ერთ-ერთი დიდი ბაზარი იყო, სადაც წლიურად 10 000-მდე ავტომობილი იყიდებოდა, რაც  პოსტ საბჭოთა ქვეყნებს შორის საკმაოდ დიდი მაჩვენებელია. თუმცა, მისივე თქმით, ამ სფეროში კონკურენცია უდიდესია.

“CITROEN-ის სათავო  ოფისიც ექსტრემალურ რეჟიმში მუშაობაზეა გადასული, რადგან ომის გამო აირია ძირითადი ლოგისტიკური ჯაჭვი. ბუნებრივია ჩვენ ვერ ვიტყვით იმას, რომ საქართველო და ზოგადად კავკასიის რეგიონ შესაძლებელია მოიაზრებოდეს უკრაინის დროებით შემცვლელად და არც მინდა ამის თქმა, რადგან იმედი მაქვს, რომ უკრაინა უახლოეს მომავალში  დაუბრუნდება ჩვეულ მდგომარეობას.

სამომავლო პერსპექტივაში, სათავო ოფისთან განიხილება საქართველოში ჰაბის შექმნა, თუმცა  ჯერ ამაზე  საუბარი ძალიან ადრეა. ჩვენ ეკონომიკურად მყიფე და სუსტი ქვეყანა ვართ, აქ ასეთი დიდი კონგლომერატის დამკვიდრება ჯერჯერობით კითხვის ნიშნის ქვეშ დგას, თუმცა არაფერს გამოვრციხავ”, - აღნიშნა ილია თაბორიძემ.

რაც შეეხება  ქართველ მომხმარებელს, ილია თაბორიძე აღნიშნავს, რომ საკმაოდ დიდია დაინტერესება CITROEN-ის მიმართ, რასაც კომპანია, თავის მხრივ, საუკეთესო შეთავაზებებით  ხვდება.

“დღეს  ჩვენ ვართ  დამკვიდრების  პროცესში. შესაბამისად, მაქსიმალურად ვცდილობთ,  ჩვენ  მომხმარებელს შევთავაზოთ საუკეთესო  ფასი და შევთავაზოთ მათზე მორგებული მომსახურების პირობები.  სიტროენის ავტომობილების ყველაზე  დიდი უპირატესობა არის თანამედროვე, გამორჩეული დიზაინი, ძალიან  კომფორტული ინტერიერი, მოძრაობის  განსხვავებული დინამიკა და ხელმისაწვდომი ფასი. გამომდინარე  იქიდან, რომ სიტროენი მაინც  ევროპელ მომხმარებელზეა  მორგებული, მისი სამოდელო რიგი საკმაოდ ფართოა. ქართველი  მომხამარებლის გემოვნება და მოთხოვნილება შედარებით განსხვავებულია, შეიძლება ითქვას რომ, კროსოვერები ჩვენი ძირითადი  გაყიდვის  ფლაგმანია.  ზოგადად, მსოფლიო  ტრენდი სედანის  კატეგორიის ხმარებიდან ამოღებას და კროსოვერის ხაზის  განვითარებას უჭერს მხარს.  

დღეს  CITROEN-ი  საქართველოში წარმოდგენილია  ხუთი ძირითადი მოდელით: C3, C3 Aircross, C5 Aircross, C4 , C-Elysee.  გამიჭირდება ცალსახად  იმის  თქმა თუ რომელია  ყველაზე მოთხოვნადი მოდელი, თუმცა შიდა კონკურენცია მოდელებს შორის მსუბუქად მაინც შეინიშნება. ახლო მომავალში იგეგმება როგორც კომერციული ავტომობილების დამატება ისე მსუბუქი ავტომობილების სამოდელო რიგის ზრდა “, – თქვა ილია თაბორიძემ. 

(R)