მექსიკაში ცნობილი ნარკობარონის, „ელ ჩაპოს“ შვილის დაკავებას არეულობა მოჰყვა. ამის შესახებ ინფორმაციას BBC ავრცელებს.
მექსიკაში ერთ-ერთი ყველაზე გავლენიანი ნარკომოვაჭრის შვილს ოვიდიო გუზმან-ლოპესს ექვსი თვე უთვალთვალებდნენ და საბოლოოდ სინალოას შტატში დააკავეს.
სოციალურ ქსელში გავრცელდა ვიდეოები, რომლებიც დაკავების პერიოდშია გადაღებული, კადრებში ჩახერგილი გზები და დამწვარი ავტობუსები ჩანს. არსებული ინფორმაციით, არეულობისას არავინ დაშავებულა.
დაკავების ოპერაციის მიმდინარეობისას ქალაქ კულიაკანში სკოლები დახურეს. დროებით დაკეტილი იყო აეროპორტიც. მოქალაქეებს კი ქუჩაში გასვლისგან თავის შეკავება სთხოვეს.
„ელ ჩაპოს“ შვილი მეხიკოშია გადაყვანილი. ოვიდიო გუზმან-ლოპესი და მისი ძმა სინალოას შტატში მდებარე მეტამფეტამინის 11 ლაბორატორიას ზედამხედველობდნენ, სადაც ყოველდღიურად 2000 კგ-ზე მეტი ნარკოტიკი მზადდება.
ოვიდიო გუზმან-ლოპესის მამა- ხოაკინ გუზმანი, მეტსახელად „ელ ჩაპო“ ამჟამად აშშ-ში იხდის სასჯელს.
ელ ჩაპო
