Credit Suisse-ი 1,6 მილიარდი დოლარის ზარალს პროგნოზირებს, - ამის შესახებ ინფორმაციას გამოცემა Financial Times ავრცელებს, შვეიცარიული ბანკის ცნობით, მდიდარმა კლიენტებმა ოქტომბრის დასაწყისიდან აქტივების 10 პროცენტი გაიტანეს.
„Credit Suisse-მა დეპოზიტებისა და წმინდა აქტივების გადინება 2022 წლის ოქტომბრის პირველ ორ კვირაში დაიწყო, რაც 2022 წლის მესამე კვარტალს ბევრად აღემატება“, - ნათქვამია ბანკის განცხადებაში.
მესამე კვარტლის ბოლოს, აქტივების მართვის განყოფილებამ კი მართვის ქვეშ მყოფი აქტივების 10% იანი გადინება განიცადა.
JPMorgan-ის ანალიტიკოსმა კიან აბუჰოსეინმა განაცხადა, რომ მეოთხე კვარტალში (11 ნოემბრამდე) მენეჯმენტის ქვეშ მყოფი აქტივების 10%-ის კაპიტალის გადინება ძალზე მნიშვნელოვანია, რის შედეგადაც ოთხშაბათის ვაჭრობაში ბანკის აქციები 3.5%-ით დაეცა.
Credit Suisse-ი ოთხშაბათს აქციონერთა გადაუდებელ შეხვედრას გამართავს, რომ SFr4bn კაპიტალის გაზრდაზე თანხმობა მოითხოვოს, რათა ჯგუფის რადიკალური რესტრუქტურიზაციას დაეხმაროს.
შვეიცარიულმა ბანკმა ოთხშაბათს განაცხადა, რომ მისი სიმდიდრის მართვის განყოფილება სავარაუდოდ მას შემდეგ ზარალდება, რაც წმინდა საპროცენტო შემოსავალი დაბალი დეპოზიტებისა და მოსაკრებლებისგან დაზარალდა. ის ასევე ელის, რომ საინვესტიციო ბანკი მნიშვნელოვნად დაზარალდება.
ბანკმა გასულ თვეში რესტრუქტურიზაციის გეგმა გამოაცხადა, რომელიც საინვესტიციო ბანკის შექმნას, ათასობით სამუშაო ადგილის შემცირებას და 4 მილიარდი კაპიტალის მოზიდვას გულისხმობს.
ბანკმა ასევე აღნიშნა, რომ ის 75 მილიონი SFr ზარალს დააფიქსირებს Allfunds Group-ში წილის განკარგვისას.