Credit Suisse-ი ფინანსების გასამყარებლად შვეიცარიის ცენტრალური ბანკისგან 50 მილიარდ ფრანკს სესხულობს. ამის შესახებ ინფორმაციას BBC ბანკზე დაყრდნობით ავრცელებს, ფინანსური ორგანიზაციის განმარტებით, ეს არის დემონსტრირება, რომ ბანკის გასაძლიერებლად გადამწყვეტ ზომებს იღებენ.
BBC ინფორმაციით, Credit Suisse-ის აქციები გუშინ 24 %-ით მას შემდეგ დაეცა, რაც ფინანსურ ანგარიშგებაში „სისუსტე“ აღმოაჩინეს. მათივე ცნობით, ამან ევროპულ ბაზრებზე უფრო ფართო ფინანსური კრიზისის განვითარების შიში გამოიწვია.
აქციების ვარდნა გამოწვეული იყო ფაქტორების ერთობლიობით, მათ შორის აშშ-ს ბანკების —Silicon Valley Bank-ის და Signature Bank-ის გაკოტრება და Credit Suisse-ის 2021 და 2022 ფისკალური წლების „მატერიალური სისუსტეები.“ გარდა ამისა, საუდის არაბეთის ეროვნულმა ბანკმა, ბანკის უმსხვილესმა აქციონერმა, გუშინ გამოაცხადა, რომ უახლოეს მომავალში დამატებითი ფინანსების ჩადება არ იგეგმება.